PO-300

PO-300
Tipoloxía	estrada convencional C-50
Rede	Rede de estradas de Galicia
Lonxitude	8,57 km
Localización
Inicio	San Tomé de Nogueira, Meis PO-531
Fin	Cacabelos, Cambados VG-4.2 VG-4.3 PO-550
	Concellos Meis ; Ribadumia ; Vilanova de Arousa ; Cambados ;

A PO-300 é unha vía da Xunta de Galicia, que vai desde a estrada PO-531 en San Tomé de Nogueira (Meis) até a VG-4.3 en Cacabelos (Cambados).

Percorrido editar

A estrada é un tramo do camiño entre Pontevedra e Cambados. Sae desde San Tomé de Nogueira, no concello de Meis, onde enlaza coa estrada PO-531 (Pontevedra-Vilagarcía de Arousa). Pasa polo Mosteiro, Rochela e Zacande nun tramo urbano. Despois de entrar no concello de Ribadumia cruza Portarís (Lois), Abelenda e A Costa (Leiro) até chegar a Ponte Arnelas.

Cruza o río Umia pola ponte de Santa Marta (antigamente pola ponte dos Padriños) e entra no concello de Vilanova de Arousa. Despois chega ao concello de Cambados por Oubiña, cruza o polígono industrial do Salnés e tras pasar Sameiro e Cacabelos chega a unha rotonda na que remata. Alí conecta coa VG-4.2 e a VG-4.3, e está prolongada pola estrada PO-550, que segue até A Lanzada.