Rede de estradas de Galicia

A Rede de estradas de Galicia ou, na súa denominación pola Xunta de Galicia, Rede Autonómica de Estradas de Galicia (RAEGA) comprende o conxunto de estradas de titularidade da Comunidade Autónoma de Galicia.

Está formada polas estradas cuxo itinerario discorre integramente no territorio da Comunidade Autónoma de Galicia e que non sexan de titularidade do estado español ou doutros organismos como concellos ou deputacións.

Nomenclatura

As estradas da rede reciben un identificador conforme á nomenclatura establecida polo Regulamento Xeral de Circulación e a Lei de Estradas de Galicia:

Identificador	Descrición
AG-XX	Son as vías que entran na definición de autoestrada e de autovía. Identifícanse coas sinais de identificación de estradas S-410, S-570 e S-574. A velocidade máxima é de 120 km/h.^[1]
CG-X.x	Corredores. Cumpren moitas das condicións das AG, agás por que só dispoñen dunha calzada pola que circulan os dous sentidos do tráfico. Sinalízanse coa cor verde. A velocidade máxima é de 90 km/h. Non teñen cruzamentos a nivel. Moitos pensáronse para seren convertidos en autovía nun futuro.
VG-X.x	Corredores curtos que dispoñen dunha calzada pola que circulan os dous sentidos do tráfico. Sinalízanse coa cor verde. A velocidade máxima é de 90 km/h, pero pode ser menor, xa que poden ter rotondas no seu percorrido.
AC-XXX LU-XXX OU-XXX PO-XXX	Estradas convencionais. A velocidade máxima é de 90 km/h. Segundo o catálogo oficial de sinais, poden ser de primeiro, segundo ou terceiro nivel, e identifícanse coas cores laranxa, marrón e amarelo. Sinalízanse coas sinais de identificación de estradas S-430, S-440, S-450, S-572 e S-575. A cor verde xa non está recollida aínda que pode estar presente nas estradas.^[1]

Estrada AC-409 cun sinal de fito quilométrico en cor verde que xa non está recollido no catálogo oficial e debería substituírse por un sinal S-572 en cor marrón.

Catálogo de estradas

O catálogo da Rede Autonómica de Estrada de Galicia recolle as estradas de titularidade da Comunidade Autónoma xunto con datos e información sobre as características da vía e está dispoñible para a súa consulta pública.^[2]

Véxase tamén

Outros artigos

Consellería de Medio Ambiente, Territorio e Infraestruturas

Ligazóns externas

Rede Autonómica de Estradas de Galicia (RAEGA) Xunta de Galicia.

Este artigo sobre estradas é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

↑ ^1,0 ^1,1 "BOE-A-2003-23514 Real Decreto 1428/2003 Reglamento General de Circulación". www.boe.es (en castelán). Consultado o 2025-04-24.
↑ "Catálogo da RAEG - Portal Conselleria9 - Liferay". Portal Conselleria9. Consultado o 2025-04-24.

[:0-1] 1,0 ^1,1 "BOE-A-2003-23514 Real Decreto 1428/2003 Reglamento General de Circulación". www.boe.es (en castelán). Consultado o 2025-04-24.

[2] "Catálogo da RAEG - Portal Conselleria9 - Liferay". Portal Conselleria9. Consultado o 2025-04-24.

[1]

[2]