Professional'naya basketbol'naya liga

A Professionalʼnaya basketbolʼnaya liga (Профессиональная баскетбольная лига, do ruso: Liga Profesional de Baloncesto), habitualmente abreviado PBL (ПБЛ), foi a máxima competición profesional de baloncesto de Rusia entre os anos 2010 e 2013, ano no que é substituída pola VTB United League. Esta competición foi a sucesora da Superliga, actual segunda división do baloncesto ruso.

Professional'naya basketbol'naya liga
Fundación	2010
Desaparición	2013
Rexión	Rusia
Confederación	FIBA Europa
Equipos	10
Copa	Kubok Rossii
Descenso	Superliga
Máis laureado	CSKA Moscova (3 títulos)
Sitio web	pbleague.ru

Historia

Fundada no ano 2010, a liga contou con 10 equipos na temporada inaugural. Nove desdes equipos participaran o ano anterior na Superliga, sendo o décimo equipo o Nizhny Novgorod. A temporada inaugural 2010–11 comezou o 9 de outubro de 2010 cun partido entre o Dinamo e o CSKA de Moscova no Krylatskoe Sport Palace, pavillón local do Dinamo. O partido acabou con vitoria para o CSKA por 81−63. Ese ano, sería o propio CSKA o que finalmente se proclamaría vencedor da competición, tal e como sucedería nas dous seguintes, e únicas, edicións.

A temporada 2011–12 volveu a contar con 10 teams, aínda que coa baixa do Dinamo de Moscova a cambio do campión da Superliga, o Spartak Primorye. Na fase regular o CSKA acabaría no primeiro posto tras perder un só partido, seguido de preto polo BC Khimki. Tras a celebración das eliminatorias polo títulos, serían estes dous equipos os que se enfrontarían na final, gañando por 2-0 o CSKA. O ano seguinte, xa sen playoffs polo título, a CSKA gañaría o seu terceiro título consecutivo, sendo así o único equipo en gañar esta competición.

Antes de comezar a última temporada, en maio de 2012, xuntáronse todos os clubs da PBL para decidir que formato se utilizaría para a seguinte temporada. Na xuntanza algúns clubs propuxeron a posibilidade de fusionar a liga coa VTB United League para aumentar a competencia entre os equipos rusos, suxerindo que a nova liga se chamase "Eastern European Professional Basketball League" (do inglés: Liga Profesional de Baloncesto de Europa do Leste). En xullo de 2012 o consello da VTB United League anunciou a súa decisión: a PBL continuaría un ano máis e despois a VTBUL pasaría ser a máxima categoría do baloncesto ruso.

Equipos

Os seguintes son todos os equipos que participaron na PBL, así como as súas respectivas clasificacións por temporada.

Club	Cidade	Rexión	2010–11	2011–12	2012–13	Mellor posto
CSKA Moscova	Moscova	Moscova	01 !1º	01 !1º	01 !1º	01 !1º
Dinamo Moscova	Moscova	Moscova	09 !9º	11 !–	11 !–	09 !9º
Enisey Krasnoyarsk	Krasnoyarsk	Krasnoyarsk	05 !5º	10 !10º	10 !10º	05 !5º
Krasnye Krylia	Samara	Samara	08 !8º	08 !8º	07 !7º	07 !7º
Khimki	Khimki	Moscova	02 !2º	02 !2º	02 !2º	02 !2º
Lokomotiv Kuban	Krasnodar	Krasnodar	04 !4º	03 !3º	04 !4º	03 !3º
Nizhny Novgorod	Nizhnii Novgorod	Nizhnii Novgorod	06 !6º	09 !9º	08 !8º	06 !6º
Spartak Primorye	Vladivostok	Primorsky	11 !–	07 !7º	09 !9º	07 !7º
Spartak San Petersburgo	San Petersburgo	San Petersburgo	07 !7º	06 !6º	03 !3º	03 !3º
Triumph Lyubertsy	Lyubertsy	Moscova	10 !10º	04 !4º	05 !5º	04 !4º
UNICS Kazan	Kazán	Tatarstán	03 !3º	05 !5º	06 !6º	03 !3º

Palmarés

• 2010−11 : CSKA Moscova
• 2011−12 : CSKA Moscova
• 2012−13 : CSKA Moscova

Finais

Temporada	Campión	Resultado	Subcampión	Primeiro na liga	Rexistro
2010–11	CSKA Moscova	3–1	Khimki	UNICS Kazan	20–6
2011–12	CSKA Moscova	3–1	Khimki	CSKA Moscova	17–1
2012–13	CSKA Moscova	Liga	Khimki	CSKA Moscova	16–2

Por equipo

Equipo	Campión	Subcampión	Terceiro	Cuarto
CSKA Moscova	3	0	0	0
Khimki	0	3	0	0
Lokomotiv Kuban	0	0	1	2
UNICS Kazan	0	0	1	0
Spartak San Petersburgo	0	0	1	0
Triumph Lyubertsy	0	0	0	1

Véxase tamén

Ligazóns externas

• Sitio web oficial