O Basketball Club Khimki Moscow Region (en ruso: баскетбольный клуб Химки Моско́вской о́бласти, romanizado: Basketbolʹnyĭ klub Himki Moskóvskoĭ óblasti) é un equipo de baloncesto profesional da cidade de Khimki, pertencente ao Óblast de Moscova, Rusia. Actualmente milita na VTB United League.

Khimki
Información xeral
Nome БК "Химки"
Liga VTB
Fundación 5 de xaneiro de 1997
Cores           Azul, amarelo
Presidente Dmitry Golubkov
Adestrador Lituania Rimas Kurtinaitis
Patrocinador Himki Group
Vestimenta Adidas
Localización
Cidade Khimki, Rusia
Pavillón Novator Stadium
Capacidade 6.196
Inauguración 1970
Campionatos
Eurocup 1 (2012, 2015)
VTB 1 (2011)
Copa 1 (2008)
bckhimki.ru

Historia editar

 
Raül López.

O BC Khimki está considerado un dos clubs de baloncesto máis importantes de Rusia. Fundouse o 5 de xaneiro de 1997 como resultado ao desexo da Administración do Óblast de Moscova de ter relevancia deportiva, traballando dende un primeiro momento para crear un equipo a curto prazo capaz de competir a nivel nacional. Na súa primeira tempada proclamouse campión da súa rexión, o que lle permitiu loitar e acadar unha praza na tempada 1998-99 na Superliga rusa, chegando deste xeito en só dous anos á máxima categoría.

Na tempada seguinte, o club rematou entre os dez mellores equipos da Superliga, o que lle deu dereito a participar na seguinte edición da Copa Korać, sendo a primeira das súas participacións en competicións europeas. Nos anos seguintes, o club ocupou os postos da metade da táboa da Superliga do seu país ata que na tempada 2002-03 o seu brillante xogo o levou a finalizar cuarto na competición.

A partir de entón, o club investiu unha gran cantidade de cartos en fichar xogadores de recoñecido prestixio internacional como Gianmarco Pozzecco, Óscar Torres ou Rubén Wolkowyski. Isto levounos a dar un salto cualitativo que culminou coa disputa da final da EuroChallenge do 2006 ante o Joventut de Badalona, na que caeron por 88-63. Na tempada 2007-08, o club fíxose co seu primeiro título oficial ao proclamarse campión da Copa rusa.

Na actualidade, o Khimki BC está tentando converterse nun dos clubs máis importantes, non só de Rusia senón de toda Europa,[1][2] para o que está investindo cantidades enormes de cartos en confeccionar un cadro de xogadores co que poder optar a gañar tódalas competicións nas que participa, fichando xogadores con papeis importantes na NBA como os internacionais pola Arxentina e España: Carlos Delfino e Jorge Garbajosa. Dende decembro de 2008 o adestrador do equipo é o italiano Sergio Scariolo. Nos últimos anos o equipo é habitual nas competicións europeas. Participou varias veces en torneos como o EuroChallenge e a ULEB Eurocup. En 2006, o Khimki xogou a final do propio EuroChallenge ante o Joventut Badalona.

Pavillón editar

Artigo principal: Novator Stadium.

O Khimki xoga os seus partidos como local no Novator Stadium (en ruso: Дворец спорта «Новатор»), tamén coñecido como Basketball Center Of Moscow Region ou Novator Indoor Arena. Situado na cidade de Khimki, inaugurado en 1970 e remodelado en 2010, conta con capacidade para 6.000 espectadores.

Xogadores editar

Cadro actual editar

BC Khimki 2019-2020
Xogadores Adestradores
Pos. # Nac. Nome Altura Peso
E 1   Shved, Alexey 1,98 m (6 ft 6 in) 86 kg (190 lb)
AP 3   Timma, Jānis 2,01 m (6 ft 7 in) 100 kg (220 lb)
E 6   Vyaltsev, Egor 1,93 m (6 ft 4 in) 91 kg (201 lb)
A 7   Karasev, Sergey 2,01 m (6 ft 7 in) 94 kg (207 lb)
B 8   Zaytsev, Vyacheslav 1,90 m (6 ft 3 in) 88 kg (194 lb)
A 12   Monia, Sergei 2,02 m (6 ft 8 in) 99 kg (218 lb)
AP 13   Gill, Anthony 2,03 m (6 ft 8 in) 104 kg (229 lb)
AP-P 15   Gubanov, Petr 2,07 m (6 ft 9 in) 105 kg (231 lb)
AP-P   Valiev, Evgeny 2,05 m (6 ft 9 in) 100 kg (220 lb)
P   Desyatnikov, Andrey 2,20 m (7 ft 3 in) 105 kg (231 lb)
E   Bertāns, Dairis 1,93 m (6 ft 4 in) 91 kg (201 lb)
AP-P   Booker, Devin 2,05 m (6 ft 9 in) 113 kg (249 lb)
Adestrador
Asistente(s)
  •   Robertas Kuncaitis
Preparador(es) físico(s)
  •   Jure Drakslar

Lenda
  • (C) Capitán
  •   Lesionado

Cadro
Actualizado: 3-8-2015

Palmarés editar

Competicións domésticas editar

Competicións rexionais editar

European competitions editar

Notas editar

  1. "Khimki, a la conquista del baloncesto europeo". Arquivado dende o orixinal o 18 de decembro de 2008. Consultado o 05 de abril de 2010. 
  2. Sergio Scariolo became the BC Khimki head coach

Véxase tamén editar

Ligazóns externas editar