Nikolai Severtzov
Nikolai Alekséievich Sévertsov (en ruso Николáй Алексе́евич Се́верцов), coñecido nas linguas latinas como Nikolai Severtzov, nado o 5 de novembro de 1827 e finado o 8 de febreiro de 1885, foi un explorador e naturalista ruso.
| Nikolai Severtzov | |
|---|---|
 | |
| Nome completo | Николáй Алексе́евич Се́верцов (Nikolai Alekséievich Sévertsov) |
| Nacemento | 5 de novembro de 1827 |
| Lugar de nacemento | Gobernación de Vóronej |
| Falecemento | 8 de febreiro de 1885 |
| Lugar de falecemento | Río Don |
| Causa | afogamento |
| Nacionalidade | Rusa |
| Alma máter | Universidade de Moscova |
| Ocupación | Explorador, naturalista |
| Fillos | Aleksey Severtsov |
| Premios | Medalla Constantin |
| [ editar datos en Wikidata ] | |
TraxectoriaEditar
Severtzov estudou na Facultade de Física e Matemáticas da Universidade de Moscova e, aos 18 anos, entrou en contacto co científico Grigori S. Karelin e interesouse pola Asia central.
En 1857 uniuse a unha expedición ao río Sir Daria (no actual Casaquistán).[1] Nesta expedición foi capturado por uns bandidos e liberado un mes despois por militares rusos. Regresaría a esta rexión, a Tashkent, en 1864.
Contou a historia da súa aventura en Un mes de cativerio entre os kokandianos. Cun mapa do baixo Syr-Darya, publicado en San Petersburgo en 1860.[2]
Entre 1865 e 1868 explorou as montañas de Tian Shan (gran sistema montañoso da Asia central, localizado na rexión fronteiriza entre os actuais Casaquistán, Kirguizistán e a República Popular da China), e o lago Issyk Kul.
En 1877-1878 visitou as montañas do Pamir, seguindo unha ruta próxima á actual estrada, chegando ao lago Yashil Kul e o río Ghunt. Alí estudou as liñas de migración das aves da Asia Central.
Severtzov publicou moitos libros sobre o reino animal, entre eles escribiu Distribución vertical e horizontal da vida salvaxe de Turquestán (1873), que incluía a primeira descrición de numerosas especies e subespecies, entre elas 384 de aves.
Unha subespecie de argalí (carneiro salvaxe) descrita por el, logo se denominou na súa honra Ovis ammon severtzovi. E unha especie de frinxílido, Carpodacus severtzovi, foi dedicada a el por Richard Bowdler Sharpe.
O 8 de febreiro de 1885 Severtzov morreu accidentalmente, afogado no río Don.[1]
AbreviaturaEditar
A abreviatura Severtzov emprégase para recoñce a Nikolai Severtzov como autoridade na descrición e taxonomía en zooloxía.
NotasEditar
- ↑ 1,0 1,1 Anónimo (1885). "Obituario: Nikolai Alexsyewich Severtzoff". Ibis 3: 235–240. doi:10.1111/j.1474-919X.1885.tb06248.x.
- ↑ Lorraine de Meaux (2010): La Russie et la tentation de l'Orient, Fayard. ISBN 978-2-213-63812-6, pp. 46-47.
Véxase taménEditar
Wikimedia Commons ten máis contidos multimedia na categoría: Nikolai Severtzov  |
| Wikispecies posúe unha páxina sobre: Nikolai Severtzov |
Ligazóns externasEditar
- Robert Middleton e Huw Thomas (2011): Tajikistan and the High Pamirs. Sheung Wan, Hong Kong: Odyssey Illustrated Guides. ISBN 978-9-6221-7818-2.
- Ernst Mayr e William B. Provine (1998): The evolutionary synthesis. Perspectives on the unification of biology. Cambridge, Massachusetts, EUA: Harvard University Press ISBN 9780674272262
- Sewerzow, en Zeno.org (en alemán).