Menchu Lamas

pintora galega

Carmen Lamas Pérez, coñecida como Menchu Lamas, nada en Vigo o 7 de xullo de 1954, é unha pintora galega.

Menchu Lamas
Nacemento7 de xullo de 1954
Lugar de nacementoVigo
NacionalidadeEspaña
Ocupaciónpintora
CónxuxeAntón Patiño Pérez
FillosLois Patiño
PremiosPremio Cultura Galega das Artes Plásticas
editar datos en Wikidata ]

Traxectoria editar

Estudou Deseño Gráfico na Institución Artística de Ensinanza de Madrid. Iniciou a súa traxectoria co Colectivo da Imaxe, con Carlos Berride, Antón Patiño e Jorge Agra. Estreou exposición nas colectivas da praza da Princesa de Vigo en 1974 e entrou en contacto co Grupo Rompente, co que colaborou na maqueta dos poemarios. Foi cofundadora do Grupo Atlántica en 1980, con Antón Patiño, Ánxel Huete, Guillerme Monroy e Román Pereiro. En 1982 fixo a súa primeira mostra individual na galería Buades de Madrid.

A súa obra evolucionou dende a primixenia iconografía de raíz autóctona e cromatismo forte cara a unha sintetización que dota a superficie pictórica dunha orde construtiva na que se axustan formas e/ou siluetas a xeito de signos, emparentadas coas culturas exóticas e primitivas. Tecnicamente usa os grandes formatos e a brochada. Os seus cadros están presentes no Museo de Arte Contemporánea de Madrid e nos museos galegos.

No ano 2018[1] é nomeada académica numeraria da Real Academia Galega de Belas Artes na sección de pintura e gravado.

Premios editar

 
Na presentación de Que hostia din os rumorosos? (Rompente) da Libraría Miranda en Bueu. Libro no que colaborou con ilustracións.

Vida persoal editar

Casou co pintor Antón Patiño Pérez. O seu fillo é o cineasta Lois Patiño.

Notas editar

  1. De Santos, Ágatha (26 de maio de 2018). "Menchu Lamas y Soledad Peralta, nuevas académicas de la Gallega de Bellas Artes". Faro de Vigo. Consultado o 27 de maio de 2018. 
  2. "O Premio Otero Pedrayo recoñece as traxectorias de Rosario Álvarez e Menchu Lamas". Real Academia Galega. Consultado o 2021-11-11. 

Véxase tamén editar

Bibliografía editar

  • Artigo LAMAS, Menchu en GEG.

Ligazóns externas editar