Ánxel Huete
Ánxel Huete Vales, nado en Ourense o 6 de outubro de 1944, é un pintor galego.
| Ánxel Huete | |
|---|---|
| Nacemento | 6 de outubro de 1944 |
| Lugar de nacemento | Ourense |
| Nacionalidade | España |
| Alma máter | Escola Massana, Escola Superior de Belas Artes de San Jordi de Barcelona e Universidade das Artes de Berlim |
| Ocupación | pintor e profesor universitario |
| [ editar datos en Wikidata ] | |
Traxectoria Editar
Sendo novo participou co seu pai nos faladoiros de Vicente Risco e X. Suárez. Estudou en Barcelona, primeiro na Escola Massana e despois na Escola Superior de Belas Artes de San Jordi, onde coñeceu as correntes do informalismo catalán. Viaxou por Europa entre 1968 e 1972 e en Londres coñeceu o movemento pop-art, especialmente David Hockney. Continuou a súa formación na Escola Superior de Belas Artes de Berlín. Dende 1969 instalouse na abstracción, que caracteriza toda a súa obra. Foi un dos membros do Grupo Atlántica. Entre 1981 e 1982 viviu en Nova York, onde a súa pintura adquiriu os aspectos cromáticos e espaciais que a caracterizan. A volta a Galicia instalouse en Domaio e traballou a abstracción fundamentada no cromatismo e na harmonización da estrutura dos elementos. Fixo o doutoramento na Facultade de Belas Artes da Universidade de Salamanca e obtivo o grao de doutor na Universidade de Vigo. Foi profesor de pintura na Facultade de Belas Artes de Pontevedra.