Wikipedia

Facultade de Belas Artes de Pontevedra

centro de ensino universitario en Pontevedra
Facultade de Belas Artes de Pontevedra

Vista da facultade
Universidade: Universidade de Vigo
Localización: Pontevedra
Campus: Pontevedra
Enderezo: Rúa da Maestranza, 2
36002
Ano de fundación: 31 de xullo de 1990
Decano: Silvia García González
Docentes: 60
Estudantes: 700[1]
Teléfono: 986801800
Correo electrónico: sdfba@uvigo.es
Páxina web: facultadebelasartes pontevedra

A facultade de Belas Artes de Pontevedra é un centro universitario situado no campus de Pontevedra, no centro da cidade. A facultade fundouse en 1990 en Pontevedra[2] e ten a súa sede no antigo cuartel de San Fernando,[3] un edificio neoclásico de principios do século XX. É a única Facultade de Belas Artes de Galicia e do noroeste de España e pertence á Universidade de Vigo.

Historia

editar

Nos anos 80 do século XX diversos docentes de debuxo capitaneados polo profesor José Roselló Valle xunto con políticos da época, como o entón responsable de Cultura na Deputación de Pontevedra, Adriano Marques, loitaron e fixeron múltiples trámites e xestións para que a cidade tivese unha Facultade de Belas Artes no proxecto de creación da futura universidade que nesa época denominábase Universidade Galicia Sur.[4]

A Facultade de Belas Artes de Pontevedra foi creada en 1990 polo decreto 416/1990, do 31 de xullo da Consellería de Educación e Ordenación Universitaria, no seu artigo 14.[5] O primeiro plan de estudos foi aprobado o 9 de xullo de 1990 e adoptouse o plan estudos da Universidade de Salamanca publicado para o primeiro e segundo ciclo da carreira nos BOE do 20 de xullo de 1983 e do 17 de marzo de 1987.[6]

Nos catro primeiros anos a facultade de Belas Artes estivo instalada provisionalmente no antigo fogar provincial na rúa Serra, con certa precariedade en canto a medios materiais e espazo.[7] [8][9]

O 15 de decembro de 1994 a facultade trasladouse á sede actual, o edificio do antigo Cuartel de San Fernando, no centro da cidade, logo dun proxecto de adquisición e reforma do edificio: diversas consellerías da Xunta de Galicia, o concello de Pontevedra e a Universidade puxeron o diñeiro para a compra do edificio e a Deputación de Pontevedra financiou as obras de reforma.[2][10] Segundo o alcalde da época, Javier Cobián, o proxecto total supuxo 2000 millóns de pesetas.[11]

Desde os inicios, houbo unha grande interactuación entre o alumnado da facultade e a cidade de Pontevedra, coa realización de instalacións, performances e obras polas rúas.[12][13]

Titulacións

editar
 
Patio interior.
  • A facultade imparte o grao en Belas Artes.[14]

Como estudos de posgrao acolle na actualidade o seguinte máster:

  • Mestrado en Deseño e Dirección Creativa en Moda.[15]

Ademais o centro ofrece o Doutoramento en Creación e Investigación en Arte Contemporánea.[16]

Instalacións

editar

O grande edificio da facultade é o antigo cuartel neoclásico de San Fernando, obra do arquitecto Bonifacio Menéndez Conde, construído entre 1906 e 1909 e reformado en 1994 polo arquitecto César Portela Fernández-Jardón para converterse en sede da facultade e albergar os estudos de Belas Artes.

A facultade dispón da sala X, situada á entrada do edificio, onde se adoitan celebrar exposicións e eventos.[17]

A Biblioteca de Belas Artes conta con 55 títulos de publicacións periódicas, 9.600 volumes e 108 postos de lectura.[18]

Nos obradoiros multiúsos, dotados de ferramenta de man e maquinaria específicas, lévanse a cabo os talleres de metal, madeira, cerámica, plástico e outros materiais. Outros laboratorios do centro son o de audiovisuais (con quince postos con equipamentos de edición dixital), informática (vinte equipos con equipamentos informáticos para edición de imaxe dixital, 3D, deseño de páxinas web e tratamento fotográfico dixital), técnicas gráficas (instalacións para gravado calcográfico) e fotografía.

Equipo decanal

editar

A decana é Silvia García González, sendo Susana Cendán Caaveiro a vicedecana de organización académica.[19]

Cultura

editar

O patrón da facultade é santo Ero e a facultade celebra a súa festividade no mes de maio.[20]

Alumnos que estudaron na facultade

editar

Galería

editar
  •  
    Entrada e nome da facultade na fachada
  •  
    Biblioteca da facultade no último andar
  •  
    Fachadas sur e leste da facultade
  •  
    Escudo de armas de España na parte superior da fachada
  •  
    Fachada principal diante dos Xardíns do Doutor Marescot

Notas

editar
  1. ↑ "Pontevedra, en el Top Five de las facultades de Bellas Artes de España". Pontevedra Viva (en castelán). 3 de xuño de 2014. 
  2. ↑ 2,0 2,1 "20 años desde que los pinceles sustituyeron a los fusiles". Pontevedra Viva (en castelán). 15 de decembro de 2014. 
  3. ↑ "Belas Artes celebra su cuarto de siglo". La Voz de Galicia (en castelán). 31 de outubro de 2015. 
  4. ↑ "Muere José Roselló, el profesor rebelde que luchó para que Pontevedra tuviese facultad de Bellas Artes". La Voz de Galicia (en castelán). 3 de febreiro de 2022. 
  5. ↑ "DECRETO 416/1990, de 31 de julio, por el que se crean centros y se concede autorización para implantar estudios conducentes a las titulaciones que se relacionan en el sistema universitario de Galicia.". Diario Oficial de Galicia (en castelán). 10 de agosto de 1990. 
  6. ↑ "Resolución de 15 de abril de 1994, de la Universidad de Vigo, por la que se ordena la publicación de los planes de estudio conducentes a la obtención de los títulos de Licenciado en Derecho de la Facultad de Derecho de Orense, Licenciado en Geografía e Historia de la Facultad de Humanidades de Orense y Licenciado en Bellas Artes de la Facultad de Bellas Artes de Pontevedra y los planes de estudio de los primeros ciclos de las licenciaturas de Química y Biología de la Facultad de Ciencias de Vigo." (PDF). Boletín Oficial del Estado (en castelán). 7 de maio de 1994. 
  7. ↑ "Bellas Artes celebra su cuarto de siglo con una jornada de puertas abiertas y múltiples actividades". Pontevedra Viva (en castelán). 30 de outubro de 2015. 
  8. ↑ "De cuartel militar a centro del arte". La Voz de Galicia (en castelán). 22 de decembro de 2014. 
  9. ↑ "Los alumnos de Bellas Artes de Pontevedra, en huelga indefinida". El País (en castelán). 8 de novembro de 1994. 
  10. ↑ "Un cuartel que ahora es Facultad". Diario de Pontevedra (en castelán). 13 de novembro de 2022. 
  11. ↑ "Soy un pontevedrés que intentó hacer más cosas por su ciudad de las que le dejaron". Diario de Pontevedra (en castelán). 3 de febreiro de 2019. 
  12. ↑ "Bellas Artes sigue dejando huella en la ciudad". La Voz de Galicia (en castelán). 23 de outubro de 2014. 
  13. ↑ "La calle se libra de sustos". La Voz de Galicia (en castelán). 13 de novembro de 2009. 
  14. ↑ "Belas Artes: así será el próximo curso en uno de los grados del campus con docencia presencial". La Voz de Galicia (en castelán). 23 de agosto de 2020. 
  15. ↑ "Un máster sustituirá los estudios del título propio en Deseño Téxtil e Moda". La Voz de Galicia (en castelán). 15 de xullo de 2016. 
  16. ↑ "Marco Moreira y sus máquinas de dibujar". La Voz de Galicia (en castelán). 22 de outubro de 2022. 
  17. ↑ "La Sala X de Bellas Artes acogerá la muestra surrealista 'Al cantar brilla'". Pontevedra Viva (en castelán). 6 de marzo 2021. 
  18. ↑ "Elige tu sitio preferido de la ciudad para hincar los codos". La Voz de Galicia (en castelán). 4 de maio de 2017. 
  19. ↑ "Silvia García, decana de Bellas Artes en Pontevedra, esta tarde en "Sentirmos a arte"". La Voz de Galicia (en castelán). 24 de abril de 2018. 
  20. ↑ "Belas Artes rinde su particular homenaje a San Ero". Diario de Pontevedra (en castelán). 15 de maio de 2008. 

Véxase tamén

editar

Outros artigos

editar

Ligazóns externas

editar
Traído desde «https://gl.wikipedia.org/w/index.php?title=Facultade_de_Belas_Artes_de_Pontevedra&oldid=6812812»