Abrir o menú principal

Medalla Sanford Saltus

condecoración numismática
Non confundir coa Medalla Saltus ou Premio Saltus da American Numismatic Society.

A Medalla Sanford Saltus é a máxima distinción da Sociedade Británica de Numismática (British Numismatic Society). Concédese cunha periodicidade trianual para recoñecer contribucións académicas destacadas á numismática británica.[1]

Medalla Sanford Saltus
J. Sanford Saltus MET AW 07 125 7.jpg
Placa co retrato de
John Sanford Saltus
(Metropolitan Museum of Art)
Outorgada por British Numismatic Society.
Tipo Recoñecemento.
Graos Único.
Elixibilidade Numismáticos académicos de calquera país.
Outorgada por Contribución destacada á numismática británica.
Descrición - Metal: ouro.
- Deseño: Frank Bowcher.
- Peso: 46,49 g.
- Diámetro: 44 mm.
Estadísticas
Establecida 1910
Primeira outorgada 1910 (P. W. P. Carlyon-Britton)
Última outorgada Concesión trianual vixente.
Premiados Ver listaxe no artigo.

HistoriaEditar

Esta medalla estabeleceuse en 1910 a partir da doazón feita á Sociedade polo pintor e escultor estadounidense John Sanford Saltus (1853-1922), quen fora anteriormente o seu presidente.

Malia estar concibida inicialmente para se basear nas publicacións feitas no British Numismatic Journal, as normas foron reformuladas en 2005 para abranguer a totalidade das publicacións dun estudoso en materia de numismática británica.[2]

CaracterísticasEditar

Trátase dunha medalla cuñada en ouro, deseñada polo artista Frank Bowcher. O seu peso é de 46,49 gramos e o seu diámetro de 44 milímetros.[3]

  • Anvesrso: imaxe de Britannia en pé cos seus habituais atributos do escudo e o tridente, rodeada pola lenda: THE BRITISH NUMISMATIC SOCIETY.
  • Reverso: na parte superior hai unha grilanda coroada e coa data MCMX no seu interior. No campo da medalla lese esta lenda: THE JOHN SANFORD SALTUS MEDAL AWARDED TO [nome do premiado] FOR SCHOLARLY CONTRIBUTIONS TO BRITISH NUMISMATICS [data de concesión. Nalgunhas edicións hai pequenas alteracións desta lenda.[4]

Galardoados coa Medalla Sanford SaltusEditar

NotasEditar

  1. "Sanford Saltus Gold Medal". British Numismatic Society.
  2. B. L. B. (1911).
  3. "John Sanford Saltus Gold Medal Arquivado 12 de setembro de 2019 en Wayback Machine.". The Fitzwilliam Museum. Cambridge.
  4. "British numismatic Society, Sanford Saltus Medal". Timothy Millett Limited.

Véxase taménEditar

Outros artigosEditar

BibliografíaEditar

  • B. L. B. (1911). "The John Sanford Saltus Gold Medal". En American Journal of Numismatics. Vol. 45. Nº 2. Páxinas 67-68. Abril. American Numismatic Society.

Ligazóns externasEditar