Método diagonal
O método diagonal (MD) é unha regra de composición visual. O fotógrafo e profesor holandés Edwin Westhoff atopou o método realizando experimentos para analizar por que a regra dos terzos é tan imprecisa. Logo de estudar numerosas fotos, cadros e debuxos descubriu que os puntos de interese adoitan estar nas diagonais dun cadrado. Polo xeral, unha foto é un rectángulo de proporcións 4:3 ou 3:2, na que por tanto hai que mirar as catro bisectrices dos dous cadrados laterais. A imaxe queda mellor se determinados elementos se sitúan sobre esas liñas.[1]
![](http://upload.wikimedia.org/wikipedia/commons/thumb/3/39/DM_Diagonal_method.svg/180px-DM_Diagonal_method.svg.png)
Teoría
editarSegundo o MD, os puntos de atención adóitanse atopar, con exactitude milimétrica, nunha ou máis diagonais de 45 graos dun dos catro ángulos da imaxe. A diferenza doutras regras de composición como a regra dos terzos ou o número áureo, o MD non dá valor algún aos lugares onde as liñas se cruzan e permite que un punto de interese se atope nunha posición arbitraria da diagonal. Sempre que os detalles estean nesas liñas, atraerán a atención.[2] Con todo, o MD si que esixe que os puntos de interese se sitúen con grande exactitude na diagonal, cunha desviación máxima dun mm no formato A4.
Fundamento
editarÉ ben coñecido que as diagonais, do mesmo xeito que as isócronas cero, o centro de gravidade e os ángulos, forman parte das liñas de forza dun cadrado, e considéranse que teñen moita máis forza que outras partes do cadrado.[3] Até hoxe non se investigou en que medida estes descubrimentos se poden trasladar aos rectángulos, como as fotos cunha proporción de 4:3 e 3:2. Á parte do fundamento práctico do MD a través de diversas análises, aínda non se coñecen investigacións científicas que poidan confirmar teoricamente o MD.
Notas
editarVéxase tamén
editarWikimedia Commons ten máis contidos multimedia na categoría: Método diagonal |
Bibliografía
editar- Arnheim, R. (1974). Art and visual perception: A psychology of the creative eye (en inglés) (2ª ed.). Os Ánxeles: University of California Press. ISBN 978-0520026131.
- Hartel, M. (2008). Urban expression. Digital Photographer, 74 (setembro), pp. 30–42.
- Westhoff, E. (2009). De diagonaal-methode. Zoom.nl Digitale Fotografie & Video. (10), pp.82-87.
Outros artigos
editar- Composición
- Diagonal
- Regra dos terzos
- Lead room
- Rebatemento do rectángulo
- Número áureo
- Triángulo dourado
- Rombo áureo
- Espiral áurea