Abrir o menú principal

Ludwik Lejzer Zamenhof

Ludwik Lejzer Zamenhof (polaco: Ludwik Łazarz Zamenhof, esperanto: Ludoviko Lazaro Zamenhof), nado en Białystok o 15 de decembro de 1859 e finado en Varsovia o 14 de abril do 1917, foi un oftalmólogo polaco, creador da lingua internacional esperanto.

Ludwik Lejzer Zamenhof
Zamenhof portreto.jpg
Nome completoЛейзеръ Заменговъ
AlcumeDoktoro Esperanto, Gamzefon, Unuel, Anna R., Homo sum, Amiko e Hemza
Nacemento15 de decembro de 1859
 Białystok
Falecemento14 de abril de 1917
 Varsovia
Soterradocemitério judeu de Varsóvia
NacionalidadeImperio Ruso e Reino do Congreso
EtniaPobo xudeu
Relixiónhomaranismo e Xudaísmo
Alma máterMedical Faculty of Moscow University e Imperial University of Warsaw
Ocupaciónlingüista, oftalmólogo, inventor, poeta, tradutor, esperantista, médico, médico escritor, tradutor da Bíblia e esperantólogo
PaiMarkus Zamenhof
NaiRozalia Zamenhof
CónxuxeKlara Zamenhof
FillosLidia Zamenhof, Adam Zamenhof e Zofia Zamenhof
IrmánsIda Zamenhof, Fejgla Zamenhof, Mina Zamenhof, Aleksander Zamenhof, Henryk Zamenhof, Leon Zamenhof, Felix Zamenhof, Hersz Zamenhof, Aŭgusta Hermelin e Sora Dwora Zamenhof
Coñecido/a porUnua Libro, Dua Libro, Fundamento de Esperanto, Ho, mia kor', Esperanto e homaranismo
PremiosCabaleiro da Lexión de Honra, Presidente Honorário da Associação Universal de Esperanto e Comendador da Ordem de Isabel a Católica
Zamenhof subskribo.svg
editar datos en Wikidata ]

TraxectoriaEditar

Zamenhof naceu e criouse na cidade de Białystok, que naquela época formaba parte do Imperio Ruso mais na actualidade pertence a Polonia. Zamenhof formaba parte da comunidade xudía, que a finais do século XIX constituía o 66 % da poboación da cidade, xunto cun 18 % de polacos, un 8 % de rusos non xudeus, un 6 de alemáns e un 2 % de bielorrusos. Nela falábanse moitas linguas, polo que había dificultades para a comprensión entre as diversas culturas. Isto motivouno para buscar unha solución ao problema, e co paso dos anos foi desenvolvendo o esperanto nun proceso longo e laborioso.

Os seus tres fillos foron asasinados polos nazis durante o Holocausto.

Desenvolvemento do esperantoEditar

O seu empeño por acadar unha lingua franca mundial continuou malia que no ano 1879 aparecera o volapük, resultado do traballo doutra persoa, Johann Martin Scleyer, nun proxecto de crear unha linguaxe internacional. Zamenhof aprendeu o volapük, mais os defectos desta lingua motivárono mesmo máis para proseguir cos seus planos.

Finalmente, no ano 1887 e coa axuda económica de seu cuñado, logrou publicar un libriño no que expuña os principios da "lingua internacional", co pseudónimo de Doktoro Esperanto ('Doutor Esperanzado'), palabra que acabou por converterse no nome da súa creación.

PoliglotismoEditar

Maila que a súa formación profesional estaba afastada do campo da lingüística, dado que se formou e traballou coma médico oftalmólogo, contaba cun talento natural para a aprendizaxe de linguas; os seus idiomas natais eran o ruso, o polaco e o yiddish, aínda que tamén falaba con fluidez o alemán. Posteriormente aprendeu latín, hebreo, francés, grego e inglés, así coma nocións básicas de castelán e italiano. Maila todo, sempre considerou o ruso coma a súa lingua materna.

Véxase taménEditar

Ligazóns externasEditar