La Alborada

La Alborada foi unha publicación periódica que se editou na Habana en 1912.

Historia e características editar

Subtitulado Órgano de la Colonia Gallega de Cuba. Ilustración Regional Gallega, apareceu o 10 de xaneiro de 1912. Publicación mensual, Roberto Blanco Torres (co pseudónimo de Fray Roblanto) era o redactor xefe, e contou con colaboracións de Abdón Rodríguez Santos, J. M. Riguera Montero, S. T. Sollozo, José Lesta Meis, M. Rodríguez Rendueles, Manuel Núñez González, Manuel Murguía, Antonio Rey Soto, Valle Inclán, José A. Seara e L. Bouzade. Apoiaba a Unión Galega en Cuba. Contén literatura popular galega, información sobre as actividades das sociedades galegas de Cuba, recensións de viaxeiros, biografías, descricións de costumes e tradicións de Galicia e unha sección que inclúe noticias das catro provincias. Publicou poemas de Rosalía de Castro, Manuel Curros Enríquez, Eduardo Pondal, Valentín Lamas Carvajal e Manuel Núñez González, e narracións nunha sección titulada Contos e lerias. Destacan as recensións en torno ao traballo das sociedades de instrución e un artigo de Abdón Rodríguez Santos sobre a figura de Basilio Álvarez. O último número coñecido é o 9, dese mesmo ano de 1912.

Alonso Girgado, Luís; et al. (1999). La Tierra Gallega. La Alborada. Centro Ramón Piñeiro. ISBN 84-453-2404-7. Arquivado dende o orixinal (facsímile) o 09 de abril de 2019. Consultado o 05 de maio de 2019.
Neira Vilas, Xosé (1985). A prensa galega de Cuba. Sada: Ediciós do Castro. ISBN 84-7492-264-X.
—————— (2005). "Alborada, La". Gran Enciclopedia Galega Silverio Cañada (DVD). El Progreso. ISBN 84-87804-88-8.
—————— (2011). A prensa galega de Cuba. Centro Ramón Piñeiro. ISBN 978-84-453-5020-1. Arquivado dende o orixinal o 22 de abril de 2018. Consultado o 21 de abril de 2018.
Peña Saavedra, V. (dir.) (1998). Repertorio da prensa galega da emigración. Santiago de Compostela: CCG. pp. 197–198. ISBN 84-87172-30-X.
Vilavedra, Dolores, ed. (2000). Diccionario da literatura galega. Obras III. Vigo: Editorial Galaxia. p. 26-27. ISBN 84-8288-365-8.