Kyrie Irving

baloncestista estadounidense

Kyrie Andrew Irving, nado o 23 de marzo de 1992 en Melbourne (Victoria, Australia) é un xogador estadounidense de baloncesto profesional que xoga nos Dallas Mavericks da National Basketball Association (NBA). Antes xogou para a Universidade de Duke. É o segundo xogador nado en Australia que é seleccionado na primeira posición do Draft da NBA, despois de Andrew Bogut, no Draft de 2005.

Kyrie Irving
Dallas Mavericks – No. 2
Posición Base
Información persoal
Nacemento 23 de marzo de 1992 (32 anos)
Melbourne, Australia
Nacionalidade Estados Unidos de América Estados Unidos
Altura 1,91 m (6 ft 3 in)
Peso oficial 87 kg (191 lb)
Información da carreira
Instituto Montclair Kimberley Academy
(Montclair, New Jersey)
St. Patrick
(Elizabeth, New Jersey)
Universidade Duke (2010–2011)
NBA Draft 2011 / Rolda: 1 / Elección: 1
Por Cleveland Cavaliers
Carreira dende 2011
Historial de equipos
Cleveland Cavaliers (2011–2017)
Boston Celtics (2017–2019)
Brooklyn Nets (2019–2023)
Dallas Mavericks (2023–presente)
Premios e galardóns
Campión NBA (2016)
NBA All-Star (2013–2015, 2017–2019, 2021, 2023)
Rookie do Ano da NBA (2012)
Primeiro Equipo de Rookies NBA (2012)
MVP do Rising Stars Challenge (2012)

Traxectoria editar

Cleveland Cavaliers (2011-2017) editar

Irving anunciou que se ía declarar elixible para o Draft da NBA de 2011, onde foi elixido na 1ª posición polos Cleveland Cavaliers.[1][2] O 9 de decembro asinou o seu contrato cos Cavaliers.

Irving tivo un gran comezo, nos primeiros 23 partidos, tivo 10 con máis de 20 puntos anotados, incluíndo 32 puntos na derrota contra os New Jersey Nets. Nese mesmo partido, anotou 21 puntos no último cuarto. Irving e o seu compañeiro Tristan Thompson foron elixidos para xogar no Rising Stars Challenge de 2012. Porén, Irving xogou no Team Chuck, e Thompson no Team Shaq. Irving anotou 34 puntos, e foi o MVP do partido.[3] Foi elixido Rookie do Ano da NBA 2012, recibindo 117 de 120 votos posibles na primeira posición.[4] Foi ademais a única elección unánime no Primeiro Equipo de Rookies da NBA.[5] Na súa primeira tempada, acadou 18.5 puntos, 5.4 asistencias e unha porcentaxe de tiros de campo dun 46.9%, e dun 39.9% en triplas.[6]

Tempada 2012-13 editar

O 17 de novembro de 2012, na derrota contra os Dallas Mavericks, Irving mancouse nun dedo dunha man. Malia que xogou no seguinte partido dos Cavaliers, a súa lesión obrigouno a perderse tres semanas de xogo.[7] Ó segundo partido da súa volta, o 15 de decembro contra os New York Knicks, Irving anotou 41 puntos, o máximo na súa carreira, xunto a cinco rebotes e cinco asistencias. Irving converteuse no xogador máis novo na historia da NBA en anotar 40 puntos no Madison Square Garden, sendo un ano máis novo que cando Michael Jordan o fixo en 1985.[8]

O 24 de xaneiro de 2013, Irving foi seleccionado para xogar o NBA All-Star Game, sendo a súa primeira aparición no evento.

Boston Celtics (2017-presente) editar

O 22 de agosto de 2017, Irving foi traspasado aos Boston Celtics a cambio de Isaiah Thomas, Jae Crowder, Ante Žižić e os dereitos da elección da primeira rolda do Draft de 2018 dos Brooklyn Nets.[9]

Notas editar

  1. http://www.guardian.co.uk/sport/2011/jun/24/cavaliers-kyrie-irving-nba-draft%7Ctitle=Cleveland Cavaliers select Kyrie Irving as first overall pick in NBA draft, 24 de xuño de 2011, The Guardian, consultado o 24 de xuño de 2011
  2. Hoffman, Benjamin (2011-06-24). "In Draft Considered Low Impact, Cavaliers Choose Duke’s Irving First". The New York Times (en inglés). ISSN 0362-4331. Consultado o 2022-02-14. 
  3. Irving steals Rising Stars Challenge as Lin goes silent. Usatoday.com (2012-02-24). Consultado o 2012-05-05.
  4. Boyer, Mary Schmitt (15 de maio de 2012). "Early failure set path to Rookie of the Year success for Cleveland Cavaliers' Kyrie Irving". The Plain Dealer. Consultado o 16 de maio de 2012. 
  5. "Irving, Rubio headline 2011-12 NBA All-Rookie First Team". Arquivado dende o orixinal o 25 de maio de 2012. Consultado o 23 de maio de 2012. 
  6. "Cavaliers' Kyrie Irving named Kia Rookie of the Year". NBA. May 15, 2012. Arquivado dende o orixinal o 15 de maio de 2012. Consultado o 24 de maio de 2012. 
  7. ESPN.com Retrieved 2012-11-19.
  8. "Kyrie Irving drops career-high 41, but Cavs fall to Knicks." ESPN.com Retrieved December 16, 2012.
  9. "Celtics Acquire Four-Time All-Star Kyrie Irving". NBA.com. 22 de agosto de 2017. Consultado o 22 de agosto de 2017. 

Véxase tamén editar

Ligazóns externas editar