Juan Zavala de la Puente

Juan Zavala de la Puente (ás veces Juan de Zavala ou Juan Zabala), nado en Lima (Perú) o 27 de decembro de 1804 e finado en Madrid o 29 de decembro de 1879, foi un militar e político español. Conde de Paredes de Nava e Marqués de Sierra Bullones, foi Presidente do Goberno de España en 1874.

Juan Zavala de la Puente
Nome completo	Juan de Zavala y de la Puente
Nacemento	27 de decembro de 1804
Lugar de nacemento	Lima
Falecemento	29 de decembro de 1879
Lugar de falecemento	Madrid
Nacionalidade	España e Perú
Ocupación	diplomático, militar, ministro e político
Pai	Pedro José de Zavala, 7th Marquis of Valleumbroso
Irmáns	Ana Zavala de la Puente
Premios	Cabaleiro da Orde do Vélaro de Ouro, Cruz Laureada de San Fernando e Gran Cruz de la Orden de San Hermenegildo
[ editar datos en Wikidata ]

Traxectoria

Logo da declaración de independencia do Perú regresou á Península Ibérica, ingresando na carreira militar. Participou durante a Primeira Guerra Carlista no bando leal a Isabel II. Foi comisionado por Baldomero Espartero para preparar o Convenio de Oñati, que, posteriormente, asinarían o propio Duque de la Victoria e máis o xeneral carlista Rafael Maroto, pondo fin á guerra. Ao longo da guerra, Zavala ascendeu ata o grao de tenente xeneral.

Durante o reinado de Isabel II, foi un dos xenerais que participaron, con Leopoldo O'Donnell ao mando, na guerra de África, obtendo méritos que lle valeron o marquesado de Sierra Bullones. Foi ministro de Mariña nos gobernos da Unión Liberal. En 1874, no ano final do Sexenio Democrático, na República Unitaria, da que o xeneral Serrano era o home forte, nomeou D. Juan Zavala como Presidente do Consello de Ministros, actuando como tal desde o 26 de febreiro de 1874, á par que seguía a ostentar o Ministerio da Guerra. Zavala foi substituído nese mesmo ano, o 13 de maio, por Sagasta.

Véxase tamén

Outros artigos

• Lista de presidentes de España