José Pedreira de la Iglesia

guerrilleiro antifranquista galego

José Pedreira de la Iglesia, coñecido como Quemairán, Tomás Padilla e Caravana, nado na Coruña o 9 de maio de 1919 e finado en Silán, Muras, o 21 de xuño de 1949, foi un guerrilleiro antifranquista galego.

José Pedreira de la Iglesia
Nacemento9 de maio de 1919
 A Coruña
Falecemento21 de xuño de 1949
 Silán
NacionalidadeEspaña
Ocupaciónmembro da resistencia
editar datos en Wikidata ]

TraxectoriaEditar

Fillo dunha familia acomodada da Coruña, traballou como carpinteiro, estaba afiliado á CNT. En 1944 integrouse no grupo de Marcelino Rodríguez Fernández e formou parte de "La Mariña", o destacamento volante da IV Agrupación do Exército Guerrilleiro de Galicia comandado por Francisco Rey Balbís do tamén eran membros José da Silva "Moreno" e José María Pan "Jaime". Nesta época foi delegado do Comité Rexional de Galicia da CNT na agrupación guerrilleira e intentou crear unha guerrilla especificamente confederal. O 19 de maio de 1946 formou parte do grupo de catro guerrilleiros que executou a Arcadio Vilela Gárate. O 18 de agosto dese ano foi un dos que participou na execución do falanxista Manuel Doval Lemat. En 1947 foi responsable dun grupo da III Agrupación Guerrilleira que actuaba na zona de Viveiro. Foi abatido nun enfrontamento coa Garda Civil en Forcón (Silán, Muras) o 21 de xuño de 1949 con Juan Gallego Abeledo, Celia González Pernas, Juan Pérez Dopico e Josefa Escourido Cobo.

Véxase taménEditar

BibliografíaEditar

  • Martínez, Lupe (2007). Coa man armada. "Ejercito Guerrillero de Galicia" -IV Agrupación- 1946 - 1948. Vigo: A Nosa Terra. pp. 134–135. ISBN 978-84-8341-166-7. 

Ligazóns externasEditar