Ivan Pavlov

Ivan Petrovič Pavlov, nado en Riazan o 14 de setembro de 1849 e finado en San Petersburgo o 27 de febreiro de 1936, foi un médico fisiólogo ruso.

Ivan Petrovič Pavlov
Datos persoais
Nacemento	14 de setembro de 1849
Lugar	Riazan, Imperio Ruso
Falecemento	27 de febreiro de 1936
Lugar	Leningrado, Unión Soviética
Causa	pneumonía
Soterrado	Literatorskie mostki
Nacionalidade	Imperio Ruso, República Socialista Soviética Federativa de Rusia e Unión Soviética
Cónxuxe	Sara Pavlov
Actividade
Campo	psicoloxía e fisioloxía
Alma máter	Universidade Estatal de San Petersburgo, Imperial St. Petersburg University e sen etiquetar
Director de tese	Elias von Cyon, Sergey Botkin e Carl Ludwig
Contribucións e premios
Premios	Premio Nobel de Medicina en 1904
[ editar datos en Wikidata ]

Traxectoria

O seu nome está ligado ao descubrimento do reflexo condicionado, que deu a coñecer en 1903. Tal descubrimento consiste en aplicar os métodos obxectivos da fisioloxía ao estudo dos procesos nerviosos superiores. Pavlov chegou a este descubrimento mentres, utilizando cans, desenvolvía investigacións sobre a dixestión, campo no que realizou contribucións importantes que o levaron a que lle fose concedido o premio Nobel de Medicina e Fisioloxía no ano 1904.

É ben coñecido o seu clásico experimento: asociando, un certo número de veces, un son de campá á presentación de carne a un can, ao final a badalada determina a salivación (o vulgar facerse a boca auga) no can, que antes de certo non se producía; xa que o can se comporta así a causa dun reflexo condicionado provocado artificialmente.

Os reflexos condicionados naturais e artificiais, a súa modalide de formación e de acción, son asunto de grande importancia en fisioloxía, psicoloxía e psiquiatría, aínda que con resultados alternos.

O goberno soviético preparoulle a Pavlov un magnífico laboratorio en Koltushing, preto de Leningrado.