A Leopoldina é o nome abreviado co que se coñece a Deutsche Akademie der Naturforscher Leopoldina (Academia alemá das ciencias naturais Leopoldina).

Edificio da sede actual da Leopoldina en Halle.

Foi fundada en 1652 en Schweinfurt (Baviera), polo que se di que é a sociedade científica máis antiga do mundo.

Hoxe está situada na cidade de Halle, no estado alemán de Saxonia-Anhalt.[1]

BibliotecaEditar

 
Miscellanea Curiosa (1692).

A biblioteca da Leopoldina foi fundada en 1731, en Nürnberg. Hoxe e inclúe máis de 260 000 volumes, monografías e revistas da ciencia e a medicina, xa que está centrada sobre todo nas publicacións da historia da ciencia, en particular das ciencias naturais e da medicina, así como escritos de numerosas sociedades científicas.

A colección debeuse principalmente a intercambios de publicacións da Academia con socios de todo o mundo, e a través de doazóns dos membros da Academia.[2]

MembrosEditar

A Leopoldina é unha asociación supranacional de científicos e académicos. Máis dunha cuarta parte dos seus membros son de países distintos de Alemaña.

Os novos membros da Leopoldina son elixidos polo Presidium sobre a base dos nomeados polos membros existentes e despois dun proceso de selección en varias etapas. Actualmente conta con máis de 1 500 membros de 30 países.

Desde a súa fundación en 1652 pertenceron á Academia uns 7 500 académicos. Entre eles máis de 170 Premios Nobel.

NotasEditar

  1. Werner E. Gerabek: Enzyklopädie Medizingeschichte, p. 23; online Google Books.
  2. Jörg Hacker (ed.) Ein Rundgang durch die Deutsche Akademie der Naturforscher Leopoldina. Nationale Akademie der Wissenschaften.

Véxase taménEditar

Ligazóns externasEditar