Igrexa católica bizantina ucraína

A Igrexa católica bizantina ucraína, ou Igrexa greco-católica ucraína (en ucraíno: Українська греко-католицька церква, Ukrainska hreko-katolytska tserkva), é a maior Igrexa particular oriental da Igrexa católica. O primado da Igrexa é o arcebispo maior de Kíiv-Galicia e toda a Rus. A Igrexa é unha das sucesoras da aceptación do cristianismo polo gran príncipe Vladímir o Grande de Kíiv, en 988. A Igrexa tense estendido coa diáspora ucraína, e a día de hoxe ten uns 40 xerarcas nunha ducia de países en catro continentes, incluíndo outros tres bispos metropolitanos en Polonia, os Estados Unidos e o Canadá. Dende marzo de 2011 o arcebispo maior é Sviatoslav Shevchuk. Dentro da propia Ucraína, o catolicismo é unha confesión minoritaria, a segunda a distancia da maioría ortodoxa. En canto ao número de fieis, a Igrexa católica ucraína é a terceira igrexa do país, logo da Igrexa ortodoxa ucraína do patriarcado de Moscova e da Igrexa ortodoxa ucraína do patriarcado de Kíiv.

Igrexa greco-católica ucraína Українська греко-католицька церква (Ukrainska hreko-katolytska tserkva)
Historia
Fundación	988 (implantación do cristianismo en Ucraína) 1595 (Unión de Brest)
Motivo	Volta á comuñón coa Santa Sé da Igrexa rutena
Separada de	Igrexa ortodoxa
Parte de	Igrexa católica
Goberno
Tipo de goberno	Episcopal
Papa	León XIV
Arcebispo maior	Sviatoslav Shevchuk
Estrutura	Estruturada en 30 dioceses
Clasificación
Grupo	Catolicismo
Orientación	Cristianismo oriental
Demografía e cultura
Fieis	máis de 4 200 000
Países	Ucraína, Polonia, América do Norte, América do Sur, Europa
Linguas litúrxicas	Eslavo eclesiástico, ucraíno e demais linguas vernáculas
Ritos litúrxicos	Bizantino
Outros datos
Sede central	Kíiv
Páxina web	ugcc.org.ua

Estrutura

Igrexa greco-católica ucraína de San Xoán Bautista de Otava, Canadá.

A Igrexa moveu a súa sede central de Lviv a Kíiv o 21 de agosto de 2005. O título da cabeza da Igrexa cambiouse de arcebispo maior de Lviv a arcebispo maior de Kíiv-Galicia. A día de hoxe, as xurisdicións territoriais da Igrexa son as seguintes:

• Arquieparquía Maior de Kíiv-Galicia
  • Arquieparquía de Kíiv
    • Exarcado arquiepiscopal de Crimea
    • Exarcado arquiepiscopal de Donetsk
    • Exarcado arquiepiscopal de Khárkiv
    • Exarcado arquiepiscopal de Lutsk
    • Exarcado arquiepiscopal de Odesa
  • Arquieparquía de Lviv
    • Eparquía de Stryi
    • Eparquía de Sambir-Drohobych
    • Eparquía de Sokal–Zhovkva
  • Arquieparquía de Ternopil–Zboriv
    • Eparquía de Buchach
  • Arquieparquía de Ivano-Frankivsk
    • Eparquía de Kolomyia–Chernivtsi
  • Arquieparquía de Przemyśl–Varsovia
    • Eparquía de Wrocław-Gdańsk
  • Arquieparquía de Winnipeg
    • Eparquía de Edmonton
    • Eparquía de Toronto e o Canadá Oriental
    • Eparquía de Saskatoon
    • Eparquía de New Westminster
  • Arquieparquía de Filadelfia
    • Eparquía de San Nicolás de Chicago
    • Eparquía de Stamford
    • Eparquía de Parma
  • Eparquía de Curitiba (provincia eclesiástica de Curitiba)
  • Eparquía de Buenos Aires (provincia eclesiástica de Bos Aires)
  • Eparquía dos Santos Pedro e Pablo (provincia eclesiástica de Melbourne)
  • Eparquía da Sagrada Familia de Londres
  • Eparquía de San Vladimir o Grande de París
  • Exarcado apostólico de Alemaña e Escandinavia (suxeito directamente á Santa Sé)

Véxase tamén

Bibliografía

• Gudziak, Borys (2001). Ukrainian Research Institute, Harvard University, ed. Crisis and Reform: The Kyivan Metropolitanate, the Patriarchate of Constantinople, and the Genesis of the Union of Brest (en inglés). Harvard University. ISBN 9780916458928. 
• Likowski, Edward (1907). Unia brzeska (r. 1596.) (en polaco). Skład Główny w Księgarni Gebethnera i Wollfa. 

Ligazóns externas

• Páxina web oficial (en ucraíno) (en ruso) (en inglés)