Henri Lavoix
Henri Michel Lavoix, nado en Nant (Aveyron) o 19 de xaneiro de 1820 e finado en París o 23 de outubro de 1892, foi un bibliotecario e numismática francés especializado na moeda musulmá medieval, que ocupou o cargo de director do Gabinete de Medallas da Biblioteca Nacional de Francia, en París.[1]
 Gravado de Henri Dochy, despois dunha fotografía de Pierre Petit.  | |
| Biografía | |
|---|---|
| Nacemento | 19 de xaneiro de 1820 Nant, Francia |
| Morte | 23 de outubro de 1892 (72 anos) rue Colbert, Francia (en)  |
| Causa da morte | Morte natural (Ictus ) |
| Chief curator (en) Gabinete de Medallas da Biblioteca Nacional de Francia | |
| 1890 – 1892 | |
| Datos persoais | |
| Outros nomes | Savigny |
| País de nacionalidade | Francia |
| Actividade | |
| Ocupación | numismático , bibliotecario |
| Lingua | Lingua francesa |
| Familia | |
| Cónxuxe | Marguerite Lemoins (1886) |
| Fillos | Henri Marie Lavoix (en) |
Premios
| |
Traxectoria editar
Henri Lavoix era fillo de Marie Émilie Savigny e do funcionario Armand Lavoix.[2] Estudou inicialmente en Poitiers e posteriormente no College Sainte-Barbe.[1]
Incorporouse ao Gabinete de Medallas da Biblioteca Nacional de Francia en 1849 como conservador adxunto,[1] e alí dedicouse ao estudo da colección de moedas islámicas, que daquela estaba moi desatendida.[3] O 9 de xaneiro de 1890 foi nomeado director do Gabinete de Medallas, cargo no que sucedeu a Anatole Chabouillet. Ocupu este posto ata o seu falecemento en 1892.[3]
Henri Michel Lavoix interesouse sobre todo pola cultura de Oriente, onde viaxara na súa xuventude, e tamén escribiu varios artigos acerca da arte árabe. Ademais do seu labor numismático, escribiu tamén varios artigos sobre arte, literatura e teatro en publicacións como Le Moniteur, o Journal Officiel, a Gazette des Beaux-Arts e a sección de crítica teatral de L'Illustration, baixo o pseudónimo de Savigny,[1][3] tomado do seu apelido materno.[4]
En 1851 publicou o seu primeiro estudo numismático, titulado Mémoire sur les dinars à légendes latines frappées en Espagne en l'an CXI de l'Hégire ("Memoria dos dinares con lendas latinas cuñados en España no ano CXI da Héxira").[3]
Un dos seus traballos de máis entidade foi o catálogo das moedas islámicas do Gabinete. O seu primeiro volume, publicado en 1887, estaba dedicado aos califatos orientais, e o segundo, de 1891, ás emisións da Península Ibérica e de África. Cando xa se estaba a imprimir o terceiro volume, centrado nas emisións de Exipto e Siria, Lavoix sufriu unha apoplexía e faleceu na noite do 22 ao 23 de outubro de 1892, aos 72 anos.[3] A obra acabou de imprimirse grazas ao labor do arqueólogo e orientalista Paul Casanova.[5]
Henri Lavoix foi nomeado Cabaleiro da Lexión de Honra,[1] o 14 de agosto de 1862.[6]
O 27 de febreiro de 1886 casou con Marguerite Lemoins.[2]
Publicacións editar
A seguir, preséntase unha escolma de artigos publicados por Henri Lavoix, así como a referencia dos seus traballos monográficos:[7]
Escolma de artigos editar
- (1851). "Mémoire sur les dinars à légendes latines frappées en Espagne en l'an CXI de l'Hégire". En Revue archéologique. VII ano. II parte. Xaneiro-xuño. Páxinas 671-679.
- (1852). "Mémoire Sur Les Monnaies Frappées Par Les Beni-Hafss". En Revue archéologique. IX ano. I parte. Xaneiro-xuño. Páxinas 257-275.
- (1862). "Les Azziministes". En Gazette des beaux arts. 67. Tomo XII. Páxinas 64-74.
- (1875). "Les arts musulmans". En Gazette des beaux arts. 217. Tomo XII. Páxinas 97-113, 312-321, 423-437.
- (1877). "Les arts musulmans. De l'ornementation arabe dans les œuvres des maîtres italiens". En Gazette des beaux arts. Xullo-decembro. Tomo XVI. Páxinas 15-29.
- (1885). "La collection Albert Goupil: II. L'art oriental". En Gazette des beaux arts. 337. Tomo XXXII. Páxinas 287-307.
Monografías editar
- (1877). Monnaies à légendes arabes frappées en Syrie par les Croisés. Joseph Baer et Cie, París.
- (1877). La première représentation du Misanthrope. 4 juin 1666. Alphonse Lemerre, París.
- (1887-1896). Catalogue des monnaies musulmanes de la Bibliothèque nationale. Imprimerie nationale, París.
- (1887). I: Khalifes orientaux.
- (1891). II: Espagne et Afrique.
- (1896). III: Égypte et Syrie.
Notas editar
- ↑ 1,0 1,1 1,2 1,3 1,4 Vapereau, G. (1893).
- ↑ 2,0 2,1 "Henri Lavoix". Geneanet.org
- ↑ 3,0 3,1 3,2 3,3 3,4 "Nécrologie: M. Henri Lavoix". En Revue numismatique, 1892. Páxinas 507-508.
- ↑ D'Heylli G. (1869). "Savigny". En Dictionnaire des pseudonyme. E. Dentu, París. 2ª ed. Páxina 310.
- ↑ Babelon, E. (1896). "Avant-Propos". En Lavoix, H. Catalogue des monnaies musulmanes de la Bibliothèque nationale. III: Égypte et Syrie.. Páxinas VIII-IX.
- ↑ "Lavoix, Henri Michel". Archives Nationales. Ministère français de la Culture.
- ↑ "Lavoix, Michel Henri 1820-1892 Arquivado 04 de abril de 2023 en Wayback Machine.". Digital Library Numis.
Véxase tamén editar
Bibliografía editar
- Amandry, M. (2005). "Les directeurs du département des Monnaies, Médailles et Antiques depuis 1719". Bibliothèque nationale de France. Comité d'histoire.
- Vapereau, G. (1893). "Lavoix (Michel-Henri)". En Dictionnaire universel des contemporains. Hachette, París. Páxina 959.
| Predecesor: Anatole Chabouillet |
Director do Gabinete de Medallas de París 1890-1892 |
Sucesor: Ernest Babelon |