Gonzalo Adrio
Gonzalo Adrio Barreiro, nado en Pontevedra o 1 de outubro de 1919 e finado na mesma cidade o 1 de xaneiro de 2018[1], foi un avogado e político galego.
| Biografía | |
|---|---|
| Nacemento | (es) Gonzalo Adrio Barreiro  1 de outubro de 1919 Pontevedra, España |
| Morte | 1 de xaneiro de 2018 (98 anos) Pontevedra, España |
| Lugar de sepultura | Cemiterio de Santo Amaro de Pontevedra |
 Deputado do Parlamento de Galicia | |
| | |
| Datos persoais | |
| País de nacionalidade | España |
| Educación | Universidade de Santiago de Compostela - dereito |
| Actividade | |
| Ocupación | avogado , político |
| Partido político | Partido Socialista Popular Partido Socialista Obrero Español |
| Membro de | |
| Lingua | Lingua castelá |
| Familia | |
| Fillos | María Margarita Adrio Taracido |
| Irmáns | José Adrio Barreiro |
Premios | |
Traxectoria editar
Fillo de José Adrio Mañá e irmán de Francisco e de José Adrio Barreiro, licenciouse en Dereito na Universidade de Santiago de Compostela. Dedicou a súa vida ao exercicio da avogacía e ao estudo do Dereito Civil Galego. Ingresou na Academia Galega de Xurisprudencia e Lexislación en 1970. Foi presidente do Partido Socialista Popular de Galicia, tras ingresar no Partido dos Socialistas de Galicia foi parlamentario autonómico entre 1985 e 1989, encabezou a lista do PSdeG ó concello de Pontevedra en 1987. No ano 2004 editou un libro de memorias, Sin odio, sin rencor, pero el recuerdo vivo (Ediciós do Castro). Especialista na memoria histórica e na recuperación dos falecidos durante a guerra e a represión franquista.
Obras editar
- Sin odio, sin rencor, pero el recuerdo vivo, 2004.
- La vida municipal en la II República española. Examen de los municipios en la provincia de Pontevedra en ese período (1931-1936), 2008.
Recoñecementos editar
En 2003 recibiu o premio honorífico Cidade de Pontevedra outorgado polo Concello "pola súa traxectoria vital na loita pola recuperación da memoria histórica, exemplo de honestidade e entrega comprometida co noso tempo e coa nosa terra, no que se personalizan os valores democráticos e de solidariedade". En 2011 o goberno de España concedeulle a Medalla ao Mérito do Traballo.
Vida persoal editar
Casou con Aurora Taracido Fraga (1921-2014), filla de Arturo Taracido, e tiveron cinco fillas: Beatriz, Aurora, María Margarita, Matilde e Susana Adrio Taracido.[2]
Notas editar
- ↑ "Falece o avogado e político Gonzalo Adrio Barreiro aos 98 anos", de Alejandro Espiño en Pontevedra Viva, 1 de xaneiro de 2018.
- ↑ Adrio (Pontevedra), na web Liñaxes.
Véxase tamén editar
Bibliografía editar
- Dicionario biográfico de Galicia, Ir Indo Edicións, 2010-2011, Vigo.