George H. W. Bush

George H. W. Bush
	; (1989)
Biografía
Nacemento	(en) George Herbert Walker Bush ; 12 de xuño de 1924 ; Milton, Estados Unidos de América (pt)
Morte	30 de novembro de 2018 (94 anos); Houston, Estados Unidos de América
Causa da morte	Morte natural (Párkinson )
Lugar de sepultura	George Bush Presidential Library (en)
41º Presidente dos Estados Unidos de América
	20 de xaneiro de 1989 – 20 de xaneiro de 1993 ; ← Ronald Reagan – William Jefferson Clinton → ; Electo en: Eleição presidencial nos Estados Unidos em 1988 (pt)
32º Presidente electo dos Estados Unidos
	8 de novembro de 1988 – 20 de xaneiro de 1989 ; ← Ronald Reagan – William Jefferson Clinton → ; Electo en: Eleição presidencial nos Estados Unidos em 1988 (pt)
43º Vicepresidente dos Estados Unidos
	20 de xaneiro de 1981 – 20 de xaneiro de 1989 ; ← Walter Mondale (pt) – Dan Quayle (pt) → ; Electo en: Eleição presidencial nos Estados Unidos em 1980 (pt) , Eleição presidencial nos Estados Unidos em 1984 (pt)
Director of Central Intelligence (en)
	30 de xaneiro de 1976 – 20 de xaneiro de 1977 ; ← William Colby (pt) – Stansfield Turner →
United States Ambassador to China (en)
	26 de setembro de 1974 – 7 de decembro de 1975 ; ← David K. E. Bruce – Thomas S. Gates, Jr. →
10º Lista de representantes permanentes dos Estados Unidos junto às Nações Unidas em Nova Iorque (pt)
	1 de marzo de 1971 – 18 de xaneiro de 1973 ; ← Charles Woodruff Yost – John A. Scali →
Membro da Cámara de Representantes dos Estados Unidos
	3 de xaneiro de 1967 – 3 de xaneiro de 1971 ; ← John Dowdy (pt) – Bill Archer (pt) →
Datos persoais
País de nacionalidade	Estados Unidos de América
Relixión	Igrexa episcopal nos Estados Unidos
Educación	Universidade Yale - grao en Artes (1945–1948); Phillips Academy (1936–1942); Greenwich Country Day School (–1936); Robert A. Taft Information Technology High School (en) ; Davenport College (en)
Altura	1,88 m
Lateralidade	manicho
Actividade
Campo de traballo	Política e goberno
Lugar de traballo	Washington, D.C. ; Houston
Ocupación	político , aviador , emprendedor , autobiógrafo , diplomático , oficial da armada , beisbolista , estadista
Período de actividade	1942 -
Empregador	Central Intelligence Agency, Director of Central Intelligence (en) (1976–1977)
Partido político	Partido Republicano
Membro de	Academia das Artes e das Ciencias dos Estados Unidos ; Skull and Bones (pt) ; Comissão Trilateral (pt) ; Phi Beta Kappa ; American Legion (en) ; Veterans of Foreign Wars (en)
Lingua	Lingua inglesa
Carreira militar
Rama militar	Armada dos Estados Unidos de América
Rango militar	tenente (pt)
Conflito	Segunda guerra mundial e Guerra do Golfo
Deporte	Fútbol americano
Traxectoria
Obra
Arquivos en	George Bush Presidential Library (en) ;
Familia
Familia	Família Bush (pt)
Cónxuxe	Barbara Bush (1945–2018), morte do cónxuxe
Fillos	George W. Bush, Marvin P. Bush, Dorothy Bush Koch, Neil Bush, Jeb Bush, Pauline Robinson Bush (en)
Pais	Prescott Bush e Dorothy Walker Bush
Irmáns	Nancy Walker Bush Ellis, Jonathan Bush, William H. T. Bush e Prescott S. Bush, Jr.
Parentes	Alexander Ellis III (sobriño); John Prescott Ellis (sobriño); Joe Ellis (sobriño); Jonathan S. Bush (sobriño); Billy Bush (sobriño)
Cronoloxía
30 de novembro de 2018	morte
6 de xaneiro de 1945	Voda
	Funeral de Estado (pt)
	Premios (2014) Robert Schuman Medal (en) ../... 46+ ;
	Sinatura
Páxina web	bush41.org

Este artigo trata sobre o 41º presidente dos Estados Unidos. Para o 43º presidente, o seu fillo, véxase: George W. Bush.

George Herbert Walker Bush, nado en Milton (Massachusetts) o 12 de xuño de 1924^[1] e finado en Houston o 30 de novembro de 2018,^[2] foi o 41º presidente dos Estados Unidos entre os anos 1989 e 1993. Con anterioridade fora embaixador diante a ONU (1971–1973), director da CIA 1976–1977, e o 43º vicepresidente dos Estados Unidos co presidente Ronald Reagan (1981–1989). Foi o pai do 43º presidente dos EUA, George Walker Bush.

Traxectoria editar

Actividade durante a segunda guerra mundial editar

Fillo do senador por Connecticut Prescott Bush e Dorothy Walker. Estudou na Academia Phillips de Andover, Massachusetts entre 1936 e 1942, onde xa demostrou as súas condicións de líder. Despois de se graduar ingresa na US Navy chegando ser o aviador máis novo do exército con 19 anos (1943).

Foi asignado ao Escuadrón Torpedo (VT-51) no portaavións lixeiro U.S.S. San Jacinto. Participou en operacións contra a illa Minami Torishima ou Marcus e a Illa Wake en maio de 1944 e nas Marianas en xuño. O 19 de xuño o avión onde ía Bush fixo unha amaraxe forzada, o destrutor U.S.S. Clarence K. Bronson, rescatou á tripulación, e Bush foi promovido a tenente.

O 1 de agosto, o San Jacinto comeza as operacións contra os xaponeses nas Illas Ogasawara. O 2 de setembro de 1944, Bush foi un dos catro pilotos que atacaron as instalacións xaponesas de Chichi-jima, o avión de Bush foi abatido pola defensa antiaérea xaponesa, rescatándoo o submarino U.S.S. Finback.

Bush retornou ao San Jacinto en novembro de 1944 e participou nas operacións de Filipinas. Cando o San Jacinto volveu a Guam, o seu escuadrón, que sufrira a perda do 50% dos pilotos, volveu aos Estados Unidos. Por mor das súas experiencias de combate, Bush foi destinado á Base Militar de Norfolk como adestrador de novos pilotos. Unha vez que o Xapón se rendeu, deixou o exército e entrou na Universidade Yale.

Posguerra editar

Casou con Barbara Pierce o 6 de xaneiro de 1945, con ela tivo seis fillos: George W. Bush, Pauline Robinson "Robin" (20 de decembro de 1949–11 de outubro de 1953, morta de leucemia), John (Jeb), Neil, Marvin e Dorothy Walker. Bush entrou no negocio do petróleo en Texas, grazas ás relacións do seu pai con Dresser Industries.

Carreira política editar

George H. W. Bush con Ronald Reagan, 1984.

En 1964, Bush entrou en política, presentándose contra o senador demócrata por Texas Ralph Yarborough, opoñéndose ao seu apoio á Lei de Dereitos Civís de 1964, pero non puido gañar o escano.

En 1966 conseguiu ser elixido para a Cámara de Representantes polo 7º Distrito de Texas, repetindo en 1968. En 1970 tenta entrar de novo no Senado, competindo con Lloyd Bentsen, pero de novo perde nas eleccións.

Durante a presidencia de Richard Nixon foi embaixador diante as Nacións Unidas (1971-1973), e con Gerald Ford director da CIA (1976-1977). Presentou a súa candidatura para ser elixido candidato do Partido Republicano para a presidencia nas eleccións de 1980, pero perdeu diante Ronald Reagan, aínda que este elixiu a Bush como o seu candidato para a vicepresidencia.

A lista Reagan/Bush gañou de novo en 1984, contra os demócratas Walter Mondale/Geraldine Ferraro. Durante o segundo mandato como vicepresidente, Bush converteuse no primeiro vicepresidente en actuar como presidente provisorio, cando Reagan tivo que se someter a unha operación cirúrxica o 13 de xullo de 1985.

En 1988 presentou a súa candidatura para a presidencia, competindo nas primarias do Partido Republicano con Bob Dole e Pat Robertson, vencéndoos sen dificultade, e elixindo ao senador Dan Quayle como candidato á vicepresidencia para se enfrontar aos candidatos do Partido Demócrata, Michael Dukakis e Lloyd Bentsen aos que tamén vencen.

Presidencia editar

Continuou a política do seu predecesor, Ronald Reagan, dando prioridade á política exterior, en 1989 coa caída do Muro de Berlín apoiou a unificación alemá e mantivo o diálogo con Mikhail Gorbachov. Autorizou a invasión de Panamá para destituír ao presidente Manuel Noriega.

En agosto de 1990 Iraq invadiu Kuwait, George Bush, co aval do Congreso e das Nacións Unidas, enviou tropas ao Golfo.

Predecesor:
Ronald Wilson Reagan