Ronald Reagan

Ronald Wilson Reagan, nado o 6 de febreiro de 1911 e finado o 5 de xuño de 2004, foi o cuadraxésimo presidente dos Estados Unidos, de 1981 a 1989, e o 33 gobernador do estado de California, de 1967 a 1975. Antes de entrar en política, foi actor.

Ronald Reagan
Nome completo	Ronald Wilson Reagan
Nacemento	6 de febreiro de 1911
Lugar de nacemento	Tampico
Falecemento	5 de xuño de 2004
Lugar de falecemento	Bel Air
Causa	pneumonía e Alzhéimer
Soterrado	Biblioteca e Museu Presidencial Ronald Reagan
Nacionalidade	Estados Unidos de América
Etnia	estadounidense
Relixión	presbiterianismo, Restauracionismo e Discípulos de Cristo
Alma máter	Dixon High School e Eureka College
Ocupación	actor de televisión, actor de cinema, político, autobiógrafo, actor de xénero, guionista, oficial, actor, sindicalista, locutor de radio, estadista, actor de dobraxe e autor de diarios
Pai	Jack Reagan
Nai	Nelle Wilson Reagan
Cónxuxe	Nancy Reagan e Jane Wyman
Fillos	Maureen Reagan, Patti Davis, Ron Reagan e Christine Reagan
Irmáns	Neil Reagan
Coñecido por	Tear down this wall
Premios	cidadán de honor de Berlín, Cabaleiro gran cruz da Orde do Baño, Orde da Aguia Branca, Collar of the Order of the White Lion, Francis Boyer Award, Medalla Presidencial da Liberdade, Medalla de Ouro do Congreso dos Estados Unidos de América, Salón da Fama de California, Doublespeak Award, Theodore Roosevelt Award, Horatio Alger Award, Labor Hall of Honor, star on Hollywood Walk of Fame, Grande Cruz do Mérito da República Federal da Alemanha, Grand Cross of the Order of Merit of the Republic of Poland, honorary doctorate of the Weizmann Institute of Science, Doublespeak Award, Grand Cordon of the Supreme Order of the Chrysanthemum, Armed Forces Reserve Medal, American Defense Service Medal, American Campaign Medal, Medalha de Vitória da Segunda Guerra Mundial, Ordem do Leão Branco, Ordem do Crisântemo, Order pro Merito Melitensi, Ordem do Banho, Order of Merit of the Republic of Poland, honorary citizen of Vilnius e honorary citizen of Gdańsk
Na rede
http://www.whitehouse.gov/about/presidents/ronaldreagan/ e https://whitehouse.gov/about-the-white-house/presidents/ronald-reagan/
[ editar datos en Wikidata ]

Traxectoria

Ronald Reagan no anverso dun dólar presidencial de 2016.

Nado en Illinois, Reagan mudouse ós Ánxeles, California, en 1928, onde traballou como actor, foi presidente do Screen Actors Guild (Sindicato de Actores de Pantalla ou SAG polas súas siglas en inglés) e voceiro da compañía multinacional de infraestruturas, servizos financeiros e medios de comunicación, General Electric (GE). Os seus comezos na política producíronse durante o seu traballo en GE; orixinalmente membro do Partido Demócrata, cambiou ó Partido Republicano en 1962 á idade de 51 anos. Despois de facer un entusiasta discurso en apoio á candidatura presidencial de 1964 de Barry Goldwater, foi persuadido para acadar a gobernación de California, gañándoa dous anos despois e por segunda vez en 1970. Foi vencido na súa carreira polo nomeamento republicano presidencial en 1968 e en 1976, pero gañou tanto o nomeamento como as eleccións en 1980, converténdose en Presidente dos Estados Unidos de América.

Como presidente introduciu novas e ousadas iniciativas políticas e económicas. A súa política económica, encadrada na chamada economía da oferta, fíxose famosa baixo o nome de "reaganomics", caracterizada pola desregularización do sistema financeiro e polas rebaixas substanciais de impostos postos aprobados en 1981. No seu primeiro período, sobreviviu un intento de asasinato, marcou unha liña dura contra os sindicatos e ademais ordenou accións militares na independente illa caribeña de Granada, achegada á costa de Venezuela. Foi reelixido cunha gran maioría nas eleccións de 1984. O segundo período de Reagan estivo marcado principalmente por asuntos estranxeiros, sendo os máis salientables o fin da Guerra Fría, o bombardeo de Libia e a revelación do escándalo Irán-Contra. Previamente, o presidente ordenara un masivo incremento militar para a loita estreita contra a Unión Soviética (URSS), deixando atrás a estratexia da détente. Describiu publicamente á URSS como o "imperio do mal" e apoiou movementos anticomunistas en todo o mundo a través da chamada Doutrina Reagan. Negociou o Tratado INF para o desarme nuclear co secretario xeral soviético Mikhail Gorbachev, logrando a redución dos arsenais nucleares de ámbolos dous países.

Reagan deixou o cargo en 1989. En 1994, o expresidente revelou que lle diagnosticaran a doenza de Alzhéimer a comezos dese ano. Faleceu dez anos despois, á idade de noventa e tres, sendo un dos expresidentes máis lonxevos do país.

Véxase tamén

Outros artigos

• Guerra fría
• Ronald Reagan UCLA Medical Center