Xaime Garrido

Xaime Garrido Rodríguez, nado en Bembrive, Vigo, o 7 de xullo de 1938, é un arquitecto e escritor galego.

Xaime Garrido Rodríguez

Biografía
Nacemento	7 de xullo de 1938 Bembrive, Vigo
Morte	6 de abril de 2019 (80 anos) Vigo
Datos persoais
País de nacionalidade	España
Educación	Real Academia de Belas Artes de San Fernando (1960–) Escola Técnica Superior de Arquitectura de Madrid
Actividade
Ocupación	Arquitecto
Lingua	Lingua castelá e lingua galega
Premios (2017)  Premio Laxeiro

Traxectoria

Estudou na Escola Central de Belas Artes de San Fernando e na Escola Técnica Superior de Arquitectura de Madrid, obtendo o título en 1966, especializándose en Restauración de Monumentos.

Garrido levou a cabo a restauración do casco vello de Baiona.

Investigou a arquitectura histórica de Vigo e a arquitectura militar fronteiriza hispano-portuguesa.

Foi arquitecto municipal de Baiona dende 1968 ata 1973, onde cooperou con Alberto Baltar Tojo, Xosé Bar Boo e Jaime Riera na redacción do Plan Xeral de Ordenación Urbana e levou a cabo a restauración do casco vello.

En Vigo promoveu a declaración como Ben de Interese Cultural do edificio da estación vella de ferrocarril e do antigo Pazo de Xustiza (hoxe MARCO).

É membro fundador do Instituto de Estudios Vigueses.

Obra bibliográfica

• Fortalezas de la antigua provincia de Tuy, Deputación de Pontevedra, 1987, ISBN 84-505-7053-0.
• Vigo. La ciudad que se perdió, arquitectura desaparecida, arquitectura no realizada, Deputación de Pontevedra, 1991, ISBN 84-86845-66-1.
• Arquitectura da pedra en Vigo. Arquitectura de la piedra en Vigo (bilingüe), Construcións Conde, 2000, ISBN 84-605-9897-7.
• El puerto de Vigo. Síntesis histórica, Autoridad Portuaria, 2001. ISBN 84-87887-53-8.
• Castillo de Soutomaior, 2009, ISBN 978-84-8457-073-8.
• El origen de Vigo. El monte de O Castro y su castillo, Deputación de Pontevedra, 2011, ISBN 978-978-8457-36-7.

Colectiva

• Vigo, arquitectura modernista 1900-1920, con Lena Saladina Iglesias Rouco et al., COAG, 1980, ISBN 84-85665-03-1.
• Manuel Gómez Román: Mestre da arquitectura galeguista, con Xose M. Ramón Iglesias Veiga, Xerais, 1995, ISBN 9788475078755.
• Vigo. Arquitectura urbana, con Xose M. Ramón Iglesias Veiga, 2 vol, Concello de Vigo, 2001, ISBN 84-87637-77-9.
• Percorrido pola arquitectura histórica de Vigo, con Xose M. Ramón Iglesias Veiga, 2003.

Recoñecemento

• Premio á Investigación da Deputación Provincial de Pontevedra, anos 1986 e 1989.
• Premio Irmáns Gómez Román de Urbanismo e Arquitectura, 2000 e 2002-2003, do Concello de Vigo.

Véxase tamén

Bibliografía

• Artigo "GARRIDO RODRÍGUEZ, Xaime" da Gran Enciclopedia Galega.

Ligazóns externas

• Jaime Garrido Rodríguez: 1 e 2 en Dialnet.
• Garrido Rodríguez en galegos.galiciadigital.com