Enver Hoxha

Enver Halil Hoxha (ɛnˈvɛɾ ˈhɔdʒa (Escuchar) ), nado en Gjirokastra o 16 de outubro de 1908 e finado en Tirana o 11 de abril de 1985, foi un xefe de Estado e ditador albanés, dirixente da República Popular de Albania dende 1944 ata a súa morte. Desempeñou as funcións de secretario xeral do Partido do Traballo de Albania (PPSH) entre 1941 e 1985, así como o cargo de primeiro ministro de Albania entre 1944 e 1955.

Enver Hoxha

Nome orixinal	(sq) Enver Halil Hoxha
Biografía
Nacemento	16 de outubro de 1908 Gjirokastër, Albania
Morte	11 de abril de 1985 (76 anos) Tirana, Albania
Causa da morte	Fibrilación ventricular
Primeiro ministro de Albania
23 de outubro de 1944 – 19 de xullo de 1954
Ministro de Defensa
23 de outubro de 1944 – 31 de xullo de 1953
Presidente
8 de novembro de 1941 – 11 de abril de 1985 ← Ramiz Alia
Datos persoais
País de nacionalidade	Albania
Ideoloxía política	Hoxhaismo (pt)
Relixión	Ateísmo
Educación	Universidade de París Moscow State Linguistic University (en) Universidade Libre de Bruxelas Universidade Comunista dos Trabalhadores do Oriente (pt) Instituto Marx-Engels-Lenin (pt) Universidade Libre de Bruxelas Universidade de Montpellier Albanian National Lyceum (en)
Actividade
Ocupación	político
Partido político	Partido Comunista Francés Partido Comunista da Bélgica (pt) Partido do Traballo de Albania
Movemento	Ateísmo
Influencias	Karl Marx, Lenin e Iosif Stalin
Lingua	Lingua albanesa, lingua inglesa, lingua italiana, lingua rusa, lingua serbia e lingua francesa
Carreira militar
Rama militar	Exército
Rango militar	General de exército (pt)
Comandante de (OBSOLETO)	Exército Popular Albanês (pt) , Fronte de Liberación Nacional de Albania e Forças Armadas da Albânia (pt)
Conflito	Segunda guerra mundial e guerra civil española
Familia
Cónxuxe	Nexhmije Hoxha
Fillos	Ilir Hoxha (en)
Premios  Hero of Albania (en)  Orde de Suvorov, primeira clase  Ordem do Herói do Povo (pt)  Orde de Lenin  People's Hero of Yugoslavia (en)  Order of Skanderbeg (en)
Sinatura

Completou a educación secundaria no Liceo Nacional de Albania (Korçë) e máis tarde obtivo unha bolsa para estudar na universidade de Montpellier. Aínda que de novo xa mostraba interese pola política, a súa experiencia en Francia foi a que o levou a militar en organizacións comunistas. En 1941, durante a segunda guerra mundial, foi un dos fundadores do Partido Comunista de Albania e combateu cos partisanos albaneses que liberaron o país en 1944, primeiro dos invasores italianos e despois do exército alemán. A través do Consello Antifascista de Liberación Nacional, presidido por el, o novo goberno derrogou o réxime monárquico de Zog I para establecer a República Popular de Albania.

Os 41 anos de mandato ininterrompido de Hoxha divídense en dúas etapas: a primeira (1944-1976) caracterizada por alianzas temporais con potencias socialistas —Iugoslavia, a Unión Soviética e a República Popular da China—, e unha segunda (1976-1985) marcada polo isolacionismo, o antirrevisionismo e o seguimento ortodoxo do marxismo-leninismo. Do seu goberno destacouse a defensa do stalinismo, a eliminación de todo tipo de oposición a través de métodos que incluían a pena de morte a transformación do país cara a unha economía industrializada e autoabastecida, o ateísmo de Estado o establecemento dunha policía secreta para a represión política da poboación (Sigurimi) e, nos seus últimos anos, o illamento internacional en que quedou sumida Albania.

Logo da súa ruptura coa URSS, varias organizacións internacionais declaráronse hoxhaístas. A máis importante foi a Conferencia Internacional de Partidos e Organizacións Marxista-Leninistas.

Véxase tamén

Bibliografía

• Castellan, Georges (2002). Histoire de l'Albanie et des Albanais (en francés). Crozon: Editions Armeline. 
• O'Donnell, James (1999). A Coming of Age: Albania Under Enver Hoxha (en inglés). Nova York: Columbia University Press. 
• Zickel, Raymond (1994). Albania: A Country Study (en inglés). Washington D. C.: Biblioteca do Congreso dos Estados Unidos de América. 

Ligazóns externas

• Enver Hoxha na Enciclopedia Británica Arquivado 28 de maio de 2020 en Wayback Machine. (en inglés)
• Arquivo bibliográfico de Enver Hoxha en marxists.org (en inglés)
• Páxina web dedicado á obra de Enver Hoxha (en inglés)