Elina Molins
Elina Molins Fernández, nada en Vigo en 1875 e finada na mesma cidade en xuño de 1956, foi unha pintora galega.
  | |
| Biografía | |
|---|---|
| Nacemento | 1875 Vigo, España |
| Morte | xuño de 1956 (80/81 anos) Vigo, España |
| Actividade | |
| Ocupación | pintora |
| Influencias | |
Sinatura  | |
Traxectoria
editarFilla do comerciante Pedro Mártir Molins Pascual e de Emma Fernández Chao, sendo nena, trasladouse a Londres, a estudar na La Sainte Union Catholic School. De volta, tomou leccións de pintura con Francisco Pradilla (o seu padriño), que pasaba temporadas en Vigo por estar casado con Dolores González Villar, filla do práctico do porto da cidade. Formouse tamén co sevillano José García y Ramos e co soriano Maximino Peña.[1][2]
En 1899 casou e deixou de participar en exposicións. O marido, o comerciante Ramón Menacho Miranda (1865-1916),[3] que era propietario do chalé La Chicharra, en Rande,[4] montou un negocio de subministración de carbón para buques, na Ría de Vigo. Menacho morreu prematuramente por unha anxina de peito.
Elina finou en Vigo en xuño de 1956, aos 80 anos de idade.[5] O total da súa obra pictórica está en mans particulares, da familia.
Recoñecemento póstumo
editarA Pinacoteca Francisco Fernández del Riego exhibiu obra súa, canda a da súa curmá Blanca Chao Sedano, filla de Alejandro Chao, nunha exposición temporal, de 73 pezas (incluíndo pinturas, documentos, fotografías…), titulada Pinceladas do esquecemento, artistas viguesas no século XIX. Inicialmente prevista do 28 de xullo de 2023 ao 21 de xaneiro de 2024 e despois ampliada ata o 24 de abril, foi comisariada por José Luís Mateo Álvarez.[6][7] Nos actos asociados, o alcalde Abel Caballero manifestou a intención de dedicarlle o nome dunha rúa da cidade.
Notas
editar- ↑ Mateo Álvarez, José Luís (20/1/22). "Reivindicación dunha artista. Memoria de Elina Molíns Fernández". Faro de Vigo.
- ↑ Bragado 2023.
- ↑ Pereira Bueno 2009.
- ↑ En 42°17′17.87″N 8°38′37.82″O / 42.2882972, -8.6438389. Nesa casa rodouse o filme Carmiña, flor de Galicia (1926).
- ↑ La Noche, 15/6/1956, p. 7
- ↑ Pinceladas do esquecemento. Elina Molins e Blanca Chao. Artistas viguesas no século XIX Concello de Vigo.
- ↑ "La obra de Elina Molins y Blanca Chao sale del armario". La Voz de Galicia (en castelán). 24/7/2023.
Véxase tamén
editarWikimedia Commons ten máis contidos multimedia na categoría: Elina Molins  |
Bibliografía
editar- González Martín, Xerardo (2016). Diccionario de vigueses (1875-1945) (en castelán). Deputación de Pontevedra. ISBN 978-84-8457-448-4.
- López Bernárdez, Carlos (2023). Unha historia da arte galega. Edicións Laiovento. p. 179. ISBN 978-84-8487-618-2.
- Marco, Aurora (2007). Dicionario de Mulleres Galegas [Das orixes a 1975]. Edicións A Nosa Terra. p. 283. ISBN 978-84-8341-146-9.
- Pereira Bueno, Fernando (2004). A presenza das mulleres pintoras na arte galega: 1858-1936. Sada: Ediciós do Castro. ISBN 84-8485-154-0.
- ——— (24/7/2009). "Mulleres pintoras na arte galega (segunda metade do século XIX e primeiro terzo do século XX). Unha historia de invisibilidade" (PDF). CCG.
- Said Armesto, Víctor (15/7/1897). "Artistas gallegos. Elina Molins". Galicia Moderna (en castelán): 6–8.
Outros artigos
editarLigazóns externas
editar- Bragado, Manuel (12/9/2023). "Pinceladas do esquecemento". Brétemas.