Denominación de Orixe Rías Baixas
| D.O. Rías Baixas | |
|---|---|
 | |
 | |
| Industrias | |
| Superficie | |
| Viticultores | |
| Produción uva | |
| Viño cualificado | |
| Valor estimado | |
| Páxina web | |
| Enderezo | Praza da Pedreira s/n 36002 Pontevedra. |
A Denominación de Orixe Rías Baixas é unha das cinco zonas con denominación de orixe para os seus viños existentes en Galiza. Creouse en 1980, e foi recoñecida como Denominación de Orixe en 1988.
DescriciónEditar
Divídese nas seguintes subzonas: Val do Salnés, Condado do Tea, O Rosal, Soutomaior e Ribeira do Ulla. A uva albariño é a súa produción monovarietal de máis éxito, aínda que se pode combinar coas uvas brancas loureira branca ou marqués, treixadura, caíño branco, torrontés e godello e as tintas caíño tinto, espadeiro, loureira tinta, sousón, mencía, pedral e brancellao[2]. A produción é de baixa graduación, de viño branco e sen crianza, e expórtase cada vez máis a mercados españois (especialmente Barcelona e Madrid) e exteriores (Alemaña, Estados Unidos, Reino Unido, Francia, Suíza, Xapón e Suecia).
Os viñedos ocupan unha superficie de preto de 4.027 hectáreas, que pertencen a 179 adegas. Esta denominación é a maior produtora galega, xa que 55 das súas adegas producen máis de 25.000 litros e unhas vinte superan os 75.000. A produción total supera os 19 millóns de litros.[1]
XeografíaEditar
A Denominación de Orixe está dividida en 5 sub-zonas[3]. Estas son, de norte a sur:
- Ribeira do Ulla: a subzona máis recente, incorporada no 2000. Inclúe concellos tanto da provincia de Pontevedra como da provincia da Coruña.
- Val do Salnés: localizado na comarca homónima. As viñas son cultivadas no fondo dos vales e en pequenos outeiros, que non superan os 100 metros de altura[4].
- Soutomaior: cobre o territorio do mesmo nome, é a única subzona da ría de Vigo.
- O Rosal: cobre a maioría da comarca do Baixo Miño, así coma parte de Gondomar.
- Condado do Tea: cobre parte da comarca do Condado, o sur da Paradanta e parte do concello de Tui.
Galería de imaxesEditar
|
.jpg)
NotasEditar
- ↑ 1,0 1,1 1,2 1,3 1,4 1,5 1,6 "Os viños da nosa terra", separata de Faro de Vigo, 12/7/2015.
- ↑ Folleto explicativo da D.O.RR.BB. Arquivado 11 de abril de 2012 en Wayback Machine., páxina 6 (en castelán)
- ↑ "Quen somos". D.O. Rías Baixas - Descubre el sabor de Galicia. 2017-07-03. Consultado o 2020-09-24.
- ↑ "Comarcas y vinos". www.gastronomiadegalicia.com. Consultado o 2020-09-24.
Véxase taménEditar
Outros artigosEditar
Ligazóns externasEditar
- Páxina web oficialArquivado 26 de setembro de 2011 en Wayback Machine.