Treixadura (uva)
Treixadura é unha clase de uva branca, autóctona de Galicia, de gran calidade e resistente ás enfermidades. É unha uva alongada, dura e moi doce que se traduce en viños lixeiros, finos e cítricos. Frecuentemente utilizada nos viños da denominación de Orixe O Ribeiro e Rías Baixas (subzona Condado).
![](http://upload.wikimedia.org/wikipedia/commons/thumb/f/f0/Racimos_de_Treixadura.jpg/220px-Racimos_de_Treixadura.jpg)
De pequeno tamaño e forma esférica, con pel grosa de cor amarela semellante á palla, brillante e irisacións douradas e verdes, en acios pequenos que agroman cedo e teñen unha maduración precoz; é a nosa caste máis resistente á botrite. De alto nivel de azucre e acidez, entre os seus aromas diferenciais destaca o pexego[1].
Etimoloxía
editarNon se coñece con seguridade a súa orixe, para a que se suxire que estea relacionada con treixa, tomada dunha suposta forma latina *tragella ‘rede’[2].
Notas
editar- ↑ Sobre as castes de uva no Portal das Palabras da RAG.
- ↑ Etimoloxía no Portal das Palabras para treixadura. Consultado o 25 de setembro de 2016.