Confederación Xermánica

Deutscher Bund
Confederación Xermánica
	Deutscher Bund ; Confederación Xermánica
Bandeira	Escudo
	A Confederación Xermánica en 1820. Os dous poderes maiores, o Imperio Austríaco (amarelo) e o Reino de Prusia (azul), non estaban totalmente were not totally pechados polas fronteiras da confederación (vermello).
Capital	Frankfurt
Linguas
Goberno	Confederación
Historia
• Establecido	1815
• Disolución	1866
Precedido por	Sucedido por
	Confederación do Rin
	Reino de Prusia
	Imperio Austríaco
Confederación Alemá do Norte
Imperio Austríaco
Reino de Baviera
Reino de Württemberg
Reino de Württemberg
Gran Ducado de Baden
Gran Ducado de Hesse
Luxemburgo

A Confederación Xermánica ou Confederación Alemá (en alemán, Deutscher Bund) foi unha unión estabelecida en 1815 polo Congreso de Viena que agrupou 39 estados alemáns nunha confederación de estados soberanos baixo a presidencia da Casa de Austria. Sucedeu a Confederación do Rin, creada en 1806 por Napoleón I en substitución do Sacro Imperio Romano Xermánico.

FuncionamentoEditar

Creada para manter a seguridade dos múltiples pequenos estados do desaparecido Sacro Imperio Romano Xermánico, a Confederación non supuña ningunha concesión ao crecente nacionalismo alemán, por non ser este do agrado de Viena. A Dieta, que non era un parlamento de representantes elixidos polo pobo senón un congreso de legados con sede en Frankfurt, foi a súa única entidade central, aínda que en 1834 estabeleceuse a Unión Aduaneira de Alemaña (Zollverein) e, con iso, creouse un mercado interno unitario para a meirande parte de estados.

A Revolución de 1848 tivo gran resonancia en Alemaña. En marzo producíronse en todos os Estados da Confederación alzamentos populares que obrigaron aos príncipes a facer concesións, que levaron ao rexurdimento dos primeiros parlamentos verdadeiramente representativos. A Confederación só funcionaba cando coincidían as posicións de Austria e Prusia, cuxa confrontación finalmente conduciu á Guerra das Sete Semanas. Tras o triunfo prusiano, a Confederación Xermánica quedou disolta e foi substituída no ano 1867 pola Federación Alemá do Norte, dominada por Prusia, que serviu de preámbulo ao gran Imperio Alemán.

Os monarcas dos estados membros na reunión de Frankfurt en 1863.

Estados membrosEditar


Imperio de Austria Reino de Baviera Reino de Hannóver Reino de Prusia Reino de Saxonia Reino de Württemberg Principado de Hesse-Kassel Gran Ducado de Baden Gran Ducado de Hesse-Darmstadt Gran Ducado de Luxemburgo Gran Ducado de Mecklembourg-Schwerin Gran Ducado de Mecklembourg-Strelitz Gran Ducado de Saxonia-Weimar-Eisenach Ducado de Anhalt-Bernburg Ducado de Anhalt-Köthen Ducado de Anhalt-Dessau	Ducado de Brunswick Ducado de Holstein Ducado de Limburgo (a partir de 1839) Ducado de Nassau Ducado de Oldenburg (Gran Ducado a partir de 1829) Ducado de Saxonia-Altenburg Ducado de Saxonia-Coburg-Gotha Ducado de Saxonia-Hildburghausen Ducado de Saxonia-Meiningen Cidade de Bremen Cidade de Frankfurt am Main Cidade de Hamburgo Cidade de Lübeck Once principados (entre eles, o Principado de Liechtenstein, o Principado de Hohenzollern-Sigmaringen, o Principado de Lippe e o Principado de Waldeck).