Carmen Avendaño
Carmen Avendaño Otero, nada en Lavadores (Vigo) o 21 de novembro de 1945,[1] é unha muller coñecida pola súa loita contra o narcotráfico en Galicia; presidenta e coordinadora da fundación Érguete-Integración.[2]
| Carmen Avendaño | |
|---|---|
 | |
| Nome completo | Carmen Avendaño Otero |
| Nacemento | 21 de novembro de 1945 |
| Lugar de nacemento | Vigo |
| Nacionalidade | España |
| Ocupación | activista e política |
| Cargos | Deputada provincial e concelleira. |
| Na rede | |
  | |
| [ editar datos en Wikidata ] | |
TraxectoriaEditar
Foi pioneira na loita integral contra o narcotráfico, denunciando aos grandes traficantes e organizando plans integrais de rehabilitación e reinserción. Fundou a Federación Provincial e a Federación Galega de Axuda ó Drogodependente. A partir de 1995 foi concelleira do PSOE no Concello de Vigo e deputada provincial do PSOE en Pontevedra. Tamén foi membro da asemblea xeral de Caixanova[3] e do consello de administración do Real Club Celta de Vigo.[4] Segundo o diario El Correo Gallego figuraba no posto 94 na lista dos 125 galegos máis influentes.[5]
No ano 2005, protagonizado por Adriana Ozores, rodouse en Galicia o filme Heroína, baseado na súa historia. E leva o seu nome o Centro de Inserción Social de Vigo, inaugurado en 2006, que acolle a condenados que cumpren o terceiro grado ou que fan traballos comunitarios.
PremiosEditar
Obtivo o Premio Xustiza e Sociedade (1993); o Premio Nacional do PSOE Rosa Manzano; o Premio La Voz de Galicia á Solidariedade (1998); premio Sardiña de Ouro do Concello de Vigo (1999); Premio Galicia en Feminino (2002) e foille entregada pola raíña Sofía a Cruz de Prata da Orde Civil da Solidariedade Social (2010) como recoñecemento ao seu compromiso persoal en defensa dos mozos afectados pola adicción ás drogas e pola súa actitude decidida de loita contra o tráfico de drogas,[6] entre outros.
NotasEditar
- ↑ Barrera, Feliciano, ed. (2002). "Avendaño Otero, Mª Carmen". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 47. ISBN 84-8064-113-4.
- ↑ Orde do 13 de decembro de 1999, DOG.
- ↑ Informe anual 2009 de Caixanova Arquivado 20 de xullo de 2011 en Wayback Machine. (en castelán).
- ↑ "Consello de administración do Real Club Celta de Vigo". Arquivado dende o orixinal o 21 de maio de 2011. Consultado o 11 de marzo de 2011.
- ↑ Artigo Arquivado 06 de marzo de 2012 en Wayback Machine. en El Correo Gallego (en castelán).
- ↑ "Orden SAS/1312/2010, de 11 de mayo, por la que se concede la Cruz de Plata de la Orden Civil de la Solidaridad Social a doña Carmen Avendaño Otero (Documento BOE-A-2010-8103).". BOE (123). 20 de maio de 2010. Consultado o 21 de marzo de 2019.
Véxase taménEditar
BibliografíaEditar
- Barrera, Feliciano, ed. (2002). "Avendaño Otero, Mª Carmen". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 47-48. ISBN 84-8064-113-4.
- Gran Enciclopedia Galega Silverio Cañada, 2005.
Outros artigosEditar
Ligazóns externasEditar
- Asociación Érguete-Vigo.
- Fundación Érguete-Integración.
- Ficha de Carmen Avendaño Arquivado 29 de setembro de 2011 en Wayback Machine. en Vieiros.