Bernardino Vidarte
Bernardino Vidarte Rivas, nado en Buenos Aires o 18 de setembro de 1910 e finado en Mondoñedo o 16 de abril de 1981, foi un ilustrador, caricaturista e debuxante galego.
| Biografía | |
|---|---|
| Nacemento | 18 de setembro de 1910  Buenos Aires, Arxentina |
| Morte | 16 de abril de 1981 (70 anos) Mondoñedo, España |
| Datos persoais | |
| País de nacionalidade | España |
| Actividade | |
| Ocupación | ilustrador , debuxante , caricaturista |
Traxectoria editar
Con sete anos instalouse en Mondoñedo. Foi profesor da Escola de Artes e Oficios de Mondoñedo, e directivo da Sociedade Deportiva de Mondoñedo.[1] Colaborou en Papel de Color, El Progreso, Faro de Vigo, El Pueblo Gallego, Céltiga e Nós. Fixo caricaturas de Eduardo Lence-Santar e Álvaro Cunqueiro, e retratos de Pascual Veiga, Manuel Leiras Pulpeiro e Antonio Noriega Varela. Ilustrou a cuberta e contracuberta de De catro a catro de Manuel Antonio, a portada do poemario Fala d'as musas de Daniel Pernas Nieto,[2] os poemas de Rimbaud, Iglesia Alvariño e Cunqueiro en Frol de Diversos e colaborou no primeiro número de Universitarios. Revista de la F.U.E.. Fixo os carteis dos maios mindonienses de 1934, pero a súa obra máis coñecida é o cartel que pedía o SI para o Estatuto de autonomía de Galicia de 1936, unha estrela de cinco puntas proxectando os seus raios candentes sobre unha cadea opresora co texto “Votar o estatuto é votar porque nos gobernemos con leises galegas. Naide sabe do noso máis que nós”.
Notas editar
- ↑ Alborada, 22-12-1935, p. 12.
- ↑ Requeixo, Armando (2014). "Estudo introdutorio". Daniel Pernas: Fala das Musas e outros poemas (PDF). Xunta de Galicia. pp. 21–22.
Véxase tamén editar
Bibliografía editar
- Antonio Reigosa (19 de abril de 2021). "Bernardino Vidarte". El Progreso.
Ligazóns externas editar
- Armando Requeixo (23 de abril de 2014). "O cegoñal de Cunqueiro". Criticalia.