Baixa Normandía

Baixa Normandía
	Basse-Normandie (fr)
Localización
	49°N 1°O / 49, -1
Estado	Francia
Capital	Caen
Contén a división administrativa	Calvados ; Mancha ; Orne
Poboación
Poboación	1.478.712 (2013) (84,07 hab./km²)
Xeografía
Superficie	17.589 km²
Punto máis alto	Q3483587 (413 m)
Comparte fronteira con	Alta Normandía ; País do Loira ; Centro-Val de Loira ; Bretaña
Datos históricos
Creación	4 de xuño de 1960
Disolución	31 de decembro de 2015
Sucedido por	Normandía
Organización política
Órgano executivo	Regional Council of Basse-Normandie (en)
Identificador descritivo
Fuso horario	UTC+01:00, horario estándar; UTC+02:00, horario de verán
ISO 3166-2	FR-P
Código NUTS	FR25
INSEE region code (en)	25
Sitio web	cr-basse-normandie.fr

Baixa Normandía,^[1] en francés: Basse-Normandie, en normando: Basse-Normaundie, é unha antiga rexión de Francia.

É a parte occidental da antiga provincia histórica de Normandía e parte da rexión da Perche. A noción de Baixa Normandía xa era unha realidade no século XIV.^[2]

Creación

Foi creada en 1956, comprendendo os tres departamentos de Calvados, Orne e Mancha.

Forma parte da antiga provincia de Normandía, que estaba dividida en Alta Normandía e Baixa Normandía.

A súa capital era a cidade de Caen.

Poboación

A súa poboación estimada no ano 2014 era de 1 443 000 habitantes.

Economía

As principais actividades económicas da rexión son a agricultura, o gando, o sector letiero, a fruticultura e a industria téxtil.

O mineral de ferro extráse cerca de Caen.

O turismo tamén e importante, e conta cun ferri que vai a Inglaterra (desde o porto de Cherburgo-Octeville).

Historia

A tradicional provincia de Normandía, cuxa historia remóntas ao século X, dividiuse en 1956 en dúas rexións: Baixa Normandía e Alta Normandía.

Durante a época romana, a rexión dividíase en varias cidades-estado diferentes. A de Vieux foi escavada no século XVII, revelando numerosas estruturas e vestixios que testemuñan a prosperidade da rexión de Caen.

A rexión foi conquistada polos francos no século V.

No século IX, as conquistas normandas devastaron a rexión. Gran parte do territorio da Baixa Normandía engadiuse ao ducado de Normandía no século X.

En 1066, o duque Guillerme II de Normandía conquistou Inglaterra. Foi enterrado en Caen. Despois da súa morte, Normandía foi herdada polo fillo máis vello, e Inglaterra polo seu segundo fillo, separándose as dúas posesións.

Artigo principal: Ducado de Normandía.

A vitoria de Tinchebray en 1106 deu de novo a Normandía aos reis de Inglaterra. Case cen anos despois, en 1204, o rei Filipe II de Francia conquistou a rexión, ademais das Illas da Canle. Despois, durante a Guerra dos Cen Anos, foi recuperada polos Plantagenet. Porén, os franceses recuperaron a parte continental da rexión entre 1436 e 1450. En 1453 a monarquía francesa controlaba gran parte da actual Francia, agás Calais, que permanecía en mans inglesas.

Durante a segunda guerra mundial as praias de Calvados foron o lugar do Día D. Os desembarcos en xuño de 1944 e a posterior batalla de Normandía, destruíron moitos pobos e cidades da rexión.

Disolución

No marco da Lei relativa á delimitación das regións, ás eleccións rexionais e departamentais e modificando a reforma territorial de 2014, a Baixa Normandía fusionouse coa Alta Normandía o 1 de xaneiro de 2016 para formar a nova rexión de Normandía.^[3]^[4]^[5]