Antonio Álvarez Arias
Antonio Álvarez Arias, coñecido simplemente como Arias, nado en Verín o 16 de xaneiro de 1933, é un exfutbolista galego, que xogaba como dianteiro.
| Arias | |||
|---|---|---|---|
| Información persoal | |||
| Nome | Antonio Álvarez Arias | ||
| Nacemento | 16 de xaneiro de 1933 | ||
| Lugar de nacemento | Verín | ||
| Posición | dianteiro | ||
| Carreira sénior | |||
| Anos | Equipos | Aprs | (Gls) |
| Sporting de Braga | |||
| 1950–1952 | Avilés | ||
| 1952–1955 | Deportivo da Coruña | 23 | (8) |
| 1954 | → Xuvenil | ||
| 1957–1958 | Racing de Ferrol | 3 | (0) |
|
Partidos e goles só en liga doméstica. [ editar datos en Wikidata ] | |||
Traxectoria editar
Nacido en Verín, comezou a súa carreira como futbolista no Sporting de Braga, pasando logo ao Avilés, onde militou durante dúas tempadas.[1] En 1952 fichou polo Deportivo da Coruña, co que debutou na Primeira División nun partido contra o Valencia en Mestalla, xogando como interior esquerdo, e marcando o único gol do seu equipo (1-1).[2] Disputou 17 encontros ata o final da liga, marcando 8 goles, e a continuación disputou a fase de permanencia na que o equipo logrou manter a categoría.
Con todo, na seguinte tempada non contou con minutos, e en marzo de 1954 saíu cedido ao Xuvenil, da Terceira División.[3] Alí compartiu equipo con xogadores como Manín, Juananco, Vegazo ou Rábade, e logrou un histórico ascenso a Segunda División despois de derrotar na antepenúltima xornada ao Lemos.[4] De regreso no Deportivo, disputou un só partido durante a tempada 1954/55, nun encontro da Copa do Xeneralísimo fronte ao Barcelona no que marcou o único gol deportivista (1-1). Deixou o club en xuño de 1955.
En 1957 realizou unha proba co Racing de Ferrol e acabou fichando polo club, que militaba na Segunda División.[5][6]
Notas editar
- ↑ "Arias". La Voz de Galicia (en castelán). 13 de novembro de 1952. p. 6.
- ↑ "Brillante empate del Deportivo". El Correo Gallego (en castelán) (25139). 11 de novembro de 1952. p. 4. Consultado o 20 de febreiro de 2022.
- ↑ "Arias, al juvenil". La Voz de Galicia (en castelán). 5 de marzo de 1954. p. 4.
- ↑ "Al perder la Ponferradina en Marín, el Juvenil puede considerarse ya en la Segunda División". El Pueblo Gallego (en castelán) (10059). 4 de maio de 1954. p. 7. Consultado o 8 de xullo de 2021.
- ↑ "Nuevo jugador probado por el Club Ferrol". El Correo Gallego (en castelán) (2643). 10 de setembro de 1957. p. 6. Consultado o 20 de febreiro de 2022.
- ↑ "El Club Ferrol fichó al extremo izquierdo Arias". La Noche (en castelán) (11385). 14 de setembro de 1957. p. 3. Consultado o 20 de febreiro de 2022.
Véxase tamén editar
Ligazóns externas editar
- Datos do xogador en BDFutbol (en castelán).