Manuel Vegazo
Manuel Vegazo Bermejo, nado en Ávila o 3 de setembro de 1933 e finado nas Palmas de Gran Canaria o 12 de marzo de 2024, foi un futbolista galego, que xogaba de dianteiro.
| Biografía | |||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 3 de setembro de 1933  Ávila, España | ||||||||||||||||||||||||||||||||||||||||||||||||||
| Morte | 12 de marzo de 2024 (90 anos) As Palmas de Gran Canaria, España | ||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||
Traxectoria
editarNaceu en Ávila pero trasladouse coa súa familia á Coruña aos poucos meses vida. Comeza xogando en equipos coma o Sporting Burgo e Español, e logo pasou ao Xuvenil, no que disputou a histórica tempada 1954/55, primeira e única do club coruñés en Segunda División, despois de lograr o ascenso na campaña anterior.[1]
Na tempada 1955/56 xogou algúns partidos co Zaragoza en Segunda, e o resto da tempada co Xuvenil en Terceira. Na campaña seguinte (1956/57) continuou no Xuvenil e debutou en Primeira División co Deportivo da Coruña, xogando o partido da xornada 19, que rematou en derrota fronte ao Athletic Club no vello San Mamés (2–0).
Disputou case toda a tempada 1957/58 nas filas do Xuvenil, ata que en abril de 1958 pasou a reforzar o Deportivo en Segunda, categoría á que descendera na campaña anterior. Xogou 10 encontros co club no treito final da tempada, marcando ante o Basconia o seu único gol coa camiseta branca e azul, e foi titular nos dous partidos da promoción de permanencia que o Deportivo tivo que disputar ante o Ourense.
En febreiro de 1959 asinou como novo xogador do Racing de Ferrol, da Segunda División, club no que militou durante o seguinte ano e medio, contabilizando 16 goles en 41 partidos.[2]
En 1960 deixou Galicia e instalouse nas Canarias, onde fichou pola UD Las Palmas. Xogou durante 7 anos no equipo amarelo, co que conquistou a Segunda División na tempada 1963/64, ascendendo así a Primeira. Disputou 127 partidos oficiais co equipo, co que anotou 24 goles.
Trala súa retirada continuou vivindo nas Palmas de Gran Canaria, onde faleceu o 12 de marzo de 2024, aos 90 anos de idade.[3]
Notas
editar- ↑ "Al perder la Ponferradina en Marín, el Juvenil puede considerarse ya en la Segunda División". El Pueblo Gallego (en castelán) (10059). 4 de maio de 1954. p. 7. Consultado o 8 de xullo de 2021.
- ↑ "Vegazo firmó por el Ferrol". La Voz de Galicia (en s). 12 de febreiro de 1959. p. 5.
- ↑ "Fallece Manuel Vegazo, ex jugador de la UD Las Palmas" (en castelán). 13 de marzo de 2024. Consultado o 13 de marzo de 2024.