Anchorage

Anchorage é unha cidade estadounidense, capital do estado de Alasca. En 2012 tiña 298 610 habitantes (380 821 residentes incluíndo os arrabaldes),, o que a converte na cidade máis poboada de Alasca.

Anchorage

Dgheyay Kaq' (mis) Dgheyaytnu (mis)
Bandeira
Lema	«Big Wild Life»
Alcume	The City of Lights and Flowers
Epónimo	ancoradoiro
Localización
61°13′00″N 149°53′37″O
Estado	Estados Unidos de América
Exclave	Alasca
Capital de	Alasca
Capital	sen valor
Poboación
Poboación	291.247 (2020) (57,84 hab./km²)
Número de fogares	118.640 (2020)
Xeografía
Situado na entidade territorial estatística	área metropolitana de Anchorage (Poboación:398.328)
Parte de	organized borough (en)
Superficie	5.035,063041 km²
Auga	12,2 %
Altitude	31 m
Comparte fronteira con	Matanuska-Susitna (pt) Chugach Census Area (en) Distrito da Peninsula do Kenai (pt)
Creación	1914
Organización política
• Alcaldesa	Suzanne LaFrance (2024–)
Identificador descritivo
Código postal	99501–99524, 99530, 99501, 99504, 99509, 99512, 99516, 99520 e 99523
Fuso horario	TC−09:00, horario estándar UTC−08:00, horario de verán
Prefixo telefónico	907
Código de departamento INSEE	02020
Identificador GNIS	1398242
Outro
Irmandado con	Chitose Tromsø Whitby Magadan Darwin Incheon Harbin
Sitio web	muni.org

Anchorage está situada no centro sur de Alasca, situada nunha península triangular, limitada ao leste polos Montes Chugach. Conta con aeroporto internacional e porto marítimo. A economía baséase nas actividades públicas e militares, no petróleo e no turismo.

Historia

A diferenza de todas as outras grandes cidades do sur de Alasca, en Anchorage a pesca ou a minaría non foron as razóns polas que se empezou a asentar xente no lugar. Comezou a medrar ao ser, no 1914, empregada como porto para a construción do ferrocarril Alaska Railroad, que se construíu entre 1915 e 1923. Logo se estableceu un campamento importante. A economía nos seus anos vinte baseábase no ferrocarril. Entre os trinta e os cincuenta, a cidade experimentou un crecemento masivo debido aos militares e ao transporte aéreo. O aeroporto de Merrill Field abriu en 1930, e o aeroporto internacional de Anchorage fíxoo en 1951. As instalacións militares de Elmendorf Air Force Base e Fort Richardson foron construídas nos anos corenta.

O terremoto de Alasca do 27 de marzo de 1964 (Fourth Avenue)

O terremoto do Venres Santo provocou moitos danos o 27 de marzo de 1964 cunha magnitude de momento de 9,2. Matou 114 habitantes de Alasca e causou numerosos danos materiais. Reconstruiríase na segunda metade dos sesenta a cidade.

En 1968 descubriuse petróleo na baía Prudhoe, que incrementou máis a súa poboación. Despois, en 1975, crearíase o municipio de Anchorage, a partir da City de Anchorage e da Anchorage Area Borough (que incluía Eagle River, Girdwood, Glen Alps, ...).

Xeografía

Anchorage está situada na parte central do estado a 61º de latitude norte, mesma latitude que as cidades de Estocolmo e San Petersburgo.

A cidade áchase sobre unha península triangular, rodeada polos Montes Chugach.

Clima

Durante o verán a temperatura diúrna é bastante agradable, entre 13 e 21 °C, mentres que no inverno, a temperatura media descende a –7 e até –15 °C e a cidade reloce unha grosa capa de neve.

Mes	Xan	Feb	Mar	Abr	Mai	Xuñ	Xul	Ago	Set	Out	Nov	Dec
Temperatura máxima media (°C)	-5,9	-3,4	0,6	6,0	12,4	16,4	18,4	17,2	12,9	4,7	-2,7	-5,3
Temperatura mínima media (°C)	-13,1	-11,4	-7,7	-1,9	3,8	8,4	10,9	9,7	5,3	-1,8	-9,4	-12,2
Precipitacións (mm)	20,1	19,8	17,5	17,0	18,5	29,0	43,4	62,0	68,6	51,6	28,2	28,4
Fonte: [1] Arquivado 13 de outubro de 2009 en Wayback Machine.

Economía

Porto de Anchorage

Anchorage é un porto que recibe máis do 95 % de todo o transporte de mercadorías de Alasca. As maiores industrias inclúen o petróleo e o turismo. Hai dúas bases militares americanas facendo fronteira con Anchorage polo norte: a Base Aérea de Elmendorf e o Forte Richardson. Case todos os turistas que van ao Interior do Alasca pasan por Anchorage sendo frecuento velos no verán pola cidade.

Linguas

86'4% inglés, 4% castelán, 1'5% tagalo, 1'4% coreano, 0'8% alemán, 1'4% linguas nativas (atabasco, esquimó, aleutiano)

Véxase tamén

Ligazóns externas

• Web oficial da cidade (en inglés)