Alfonso Alonso

Alfonso Alonso Aranegui, nado en Vitoria o 14 de abril de 1967, é un político español do Partido Popular. Foi alcalde de Vitoria entre 1999 e 2007, e deputado pola circunscrición de Áraba entre 2000 e 2001 e dende 2008. Entre 2008 e 2011 (IX Lexislatura) foi voceiro adxunto do PP no Congreso dos Deputados, e dende 2011 é o seu voceiro titular para a X Lexislatura do actual período democrático. En decembro de 2014 foi nomeado ministro de Sanidade, Servizos Sociais e Igualdade.

Alfonso Alonso

Biografía
Nacemento	14 de abril de 1967 (57 anos) Vitoria
Deputado do Parlamento do País Vasco
21 de outubro de 2016 – 14 de xullo de 2020 Lexislatura: XI lexislatura do Parlamento Vasco Circunscrición electoral: Áraba
Deputado do Parlamento do País Vasco
19 de outubro de 2016 – Circunscrición electoral: Áraba
Deputado no Congreso dos Deputados
14 de xullo de 2016 – 17 de outubro de 2016 – Javier Maroto → Lexislatura: XII lexislatura de España Circunscrición electoral: Araba Electo en: Eleccións xerais de España de 2016
Deputado no Congreso dos Deputados
4 de xaneiro de 2016 – 19 de xullo de 2016 Lexislatura: XI lexislatura de España Circunscrición electoral: Araba Electo en: Eleccións xerais de España de 2015
Minister of Health, Social Services and Equality (en)
3 de decembro de 2014 – 16 de agosto de 2016 ← Ana Mato Adrover – Dolors Montserrat →
Deputado no Congreso dos Deputados
30 de novembro de 2011 – 13 de xaneiro de 2016 Lexislatura: X lexislatura de España Circunscrición electoral: Araba Electo en: Eleccións Xerais 2011 en España
Deputado no Congreso dos Deputados
27 de marzo de 2008 – 13 de decembro de 2011 Lexislatura: IX lexislatura de España Circunscrición electoral: Araba Electo en: Eleccións Xerais 2008 en España
Deputado no Congreso dos Deputados
28 de marzo de 2000 – 4 de xaneiro de 2002 – María Teresa Sagarna Alberdi → Lexislatura: VII lexislatura de España Circunscrición electoral: Araba Electo en: Eleccións Xerais 2000 en España
Alcalde de Vitoria
4 de xullo de 1999 – 14 de xuño de 2007 ← José Ángel Cuerda – Patxi Lazcoz →
Datos persoais
País de nacionalidade	España
Educación	Facultade de Dereito (Universidade do País Vasco) Universidade do País Vasco
Actividade
Lugar de traballo	Madrid
Ocupación	político , avogado
Partido político	Partido Popular Araba
Lingua	Lingua castelá
Premios (2021)  Gran Cruz da Orde de Carlos lll

Traxectoria

Familia e formación

Natural de Vitoria, procede dunha influente familia desta cidade. O seu avó materno, Manuel Aranegui y Coll, foi presidente da Deputación de Áraba entre 1957 e 1966, durante a Ditadura franquista. A súa familia paterna provén en parte de Donostia, Alfonso Alonso é, sobriño-neto, entre outros, dos tenistas José María Alonso Areyzaga e Manuel Alonso de Areyzaga, así como de Asis Alonso Areyzaga, que foi tamén tenente-alcalde de Donostia. O seu pai, Ramón Alonso Verástegui, é pintor e reside en Tenerife dende 1975. Está casado e ten catro fillos.

Alfonso Alonso é licenciado en filoloxía románica e en dereito, e exerceu profesionalmente como avogado. En 1996 entrou no concello da súa cidade natal como concelleiro.

Alcalde de Vitoria

Nas eleccións municipais de 1999 a súa candidatura foi a máis votada, de modo que accedeu á alcaldía. En 2000 encabezou a lista do seu partido por Áraba, pero en 2001 renunciou para centrarse no seu labor como alcalde. En 2003 volveu gañar as eleccións municipais. En 2007 a lista máis votada no concello de Vitoria foi a de Patxi Lazcoz do PSE-EE, que foi investido alcalde ao non presentar ningún partido (incluíndo o PP) candidato alternativo.

Deputado no Congreso e Ministro

Encabezou de novo a lista do PP por Áraba nas eleccións xerais de 2008, formando parte da dirección do grupo parlamentario popular no Congreso dos Deputados. Repetiu nas eleccións xenerais de 2011 e obtivo a vitoria na circunscrición de Áraba.

O 12 de decembro de 2011 foi proposto por Mariano Rajoy como voceiro do grupo popular no Congreso dos Deputados para a X Lexislatura, cargo que desempeñou dende o 13 de decembro dese mesmo ano. Tras a dimisión de Ana Mato como ministra de Sanidade polo caso Gürtel, o 3 de decembro de 2014 foi nomeado polo presidente Rajoy para substituíla nese posto.

Cargos desempeñados

• Concelleiro no Concello de Vitoria (1996-2008)
• Alcalde de Vitoria (1999-2007)
• Deputado por Áraba no Congreso dos Deputados (2000-2001)
• Voceiro do PP no Concello de Vitoria (2007-2008)
• Presidente do Partido Popular de Áraba (dende 2008)
• Deputado por Áraba no Congreso dos Deputados (dende 2008)
• Voceiro do PP no Congreso dos Deputados (dende 2011)
• Ministro de Sanidade, Servizos Sociais e Igualdade (dende 2014)

Véxase tamén

Predecesor: José Ángel Cuerda	Alcalde de Vitoria 1999-2007	Sucesor: Patxi Lazcoz
Predecesor: Ramón Rabanera	Presidente do PP de Áraba 2008-actualidade	Sucesor: No cargo
Predecesor: Soraya Sáenz de Santamaría	Voceiro do Grupo Popular no Congreso dos Deputados de España 2011-2014	Sucesor: Rafael Hernando
Predecesor: Ana Mato	Ministro de Sanidade, Servizos Sociais e Igualdade de España 2014-actualidade	Sucesor: No cargo