José Ángel Cuerda

José Ángel Cuerda Montoya, nado en Vitoria en 1934, é un avogado e político do País Vasco. Foi o primeiro alcalde de Vitoria da etapa democrática tras a morte do ditador Francisco Franco e exerceu o cargo dende 1979 até 1999, sendo elixido alcalde cinco veces consecutivas.

José Ángel Cuerda

(2022)
Biografía
Nacemento	17 de marzo de 1934 (90 anos) Vitoria
Deputado do Parlamento do País Vasco
8 de xaneiro de 1987 – 21 de novembro de 1989 – Josefina Santamaría Rodríguez (en)  → Lexislatura: III lexislatura do Parlamento Vasco Circunscrición electoral: Áraba
Deputado do Parlamento do País Vasco
22 de marzo de 1984 – 21 de setembro de 1986 Lexislatura: II lexislatura do Parlamento Vasco Circunscrición electoral: Áraba
Alcalde de Vitoria
11 de maio de 1979 – 4 de xullo de 1999 ← Alfredo Marco Tabar (en) – Alfonso Alonso →
Deputado no Congreso dos Deputados
15 de marzo de 1979 – 31 de agosto de 1979 – Joseba Azkarraga (pt)  → Lexislatura: I lexislatura de España Circunscrición electoral: Araba Electo en: Eleccións Xerais 1979 en España
Deputado no Congreso dos Deputados
7 de xullo de 1977 – 2 de xaneiro de 1979 Lexislatura: Lexislatura Constituínte de España Circunscrición electoral: Araba Electo en: Eleccións Xerais 1977 en España
Datos persoais
País de nacionalidade	España
Actividade
Lugar de traballo	Madrid
Ocupación	político
Partido político	Euzko Alderdi Jeltzalea - Partido Nacionalista Vasco
Lingua	Lingua castelá
Participou en
30 de outubro de 2019	Més procés és més retallades
Premios (2015)  Ignacio Ellacuría Prize (en)

Traxectoria política

Iniciou a súa militancia no Partido Nacionalista Vasco (PNV), partido que abandonou temporalmente para unirse a Eusko Alkartasuna (EA) en 1986; en xaneiro de 1990 volveu ao PNV. Ademais de alcalde da súa cidade, nas eleccións de 1977 foi elixido deputado nas Cortes Españolas, así como parlamentario na cámara vasca en 1984 e 1986.

Avogado de profesión e profesor universitario durante máis de corenta anos, foi un dos precursores no País Vasco do concepto do desenvolvemento sustentable. Participou en diferentes foros cidadáns, sociais e universitarios. É promotor da asociación Bizitza-Berria de apoio ás persoas sen fogar de Vitoria.

Durante o seu mandato, Vitoria alcanzou cotas elevadas de benestar e calidade de vida, e a súa xestión foi recoñecida por multitude de organismos locais, nacionais e internacionais. Foi pioneiro na incorporación do medio ambiente como variable estratéxica de xestión urbana; construíu un tupido tecido social na cidade baseado nunha rede de equipamentos socio-culturais e deportivos de primeira orde; abandeirou a loita contra a discriminación e a favor da inclusión social das persoas menos favorecidas; en 1994 recibiu Premio Gehitu do País Vasco e o Premio Triángulo Rosa do Colectivo de Gais e Lesbianas de Madrid por ser o primeiro cargo público en abrir un Rexistro de Unións Civís tanto para parellas heterosexuais como homosexuais; liderou a axuda á cooperación municipalista co desenvolvemento socio-económico dos países do chamado Terceiro Mundo; deseñou un modelo urbanístico pensado para o cidadán; puxo en funcionamento un campus da Universidade do País Vasco e desenvolveu un proceso integral de rehabilitación do centro urbano medieval da cidade recoñecido a nivel europeo (Premio Europa Nostra en 1982).

José Ángel Cuerda foi sucedido na alcaldía por Alfonso Alonso, do Partido Popular, que lle concedeu a Medalla de Ouro da cidade, máxima distinción que outorga o Concello.

Predecesor: Alfredo Marco Tabar

Alcalde de Vitoria 1979-1999

Sucesor: Alfonso Alonso