Adana

Adana é unha cidade de Turquía, capital da provincia de Adana, situada na beira do río Seyhan. No ano 2000 tiña 1 130 710 habitantes. É sede da Universidade Çukurova.

Adana

Localización
37°00′09″N 35°18′48″L
Estado	Turquía
Provincia	Provincia de Adana
Capital de	Ramadanidas (pt) Provincia de Adana
Poboación
Poboación	1.765.981 (2021) (127,56 hab./km²)
Lingua oficial	lingua turca
Xeografía
Superficie	13.844 km²
Bañado por	Seyhan River (en)
Altitude	23 m
Identificador descritivo
Código postal	01000–01999
Fuso horario	UTC+03:00
Prefixo telefónico	0322
Outro
Irmandado con	Córdoba Shymkent (pt) Sapporo Ulán Bátor Jeddah Berane (pt) San Petersburgo Livorno Skopje Bersebá (–2024)
Páxina web	adana.bel.tr

A súa importancia estratéxica venlle pola súa situación como porta da chaira de Cilicia, fértil zona agrícola na que Adana constitúe o centro de distribución dos produtos da rexión: algodón, trigo, orxo, uvas, cítricos, olivas e tabaco e centro industrial.

Historia

O máis antigo asentamento foi dos hititas, hai uns 3400 anos. No ano 63 a.C. Pompeio o Grande estableceu unha estación do exército romano na estrada que conducía ao leste. Despois da caída do Imperio Romano a cidade decaeu, e foi reconstruída no século VIII por Harun al-Rashid, califa de Bagdad.

Logo de que en 1378 a dinastía turkmena dos Ramazan se fixese co poder na cidade, en 1516 incorporouse ao Imperio Otomán, se ben os Ramazán permanecen no poder ata 1608. En 1832 foi ocupada polos exipcios, e en 1840 restaurouse o goberno otomán.

O masacre de Adana, foi a segundo nunha serie de grandes matanzas de armenios ao longo do Imperio Otomán. As atrocidades cometidas na provincia de Adana en abril de 1909 coincidiron coa contrarrevolución dos partidarios do sultán Abdul Hamid II que fora forzado a restaurar a constitución otomá como resultado da revolución dos novos turcos de 1908. Na cidade de Adana 4 437 armenios foron queimados e 30 000 armenios morreron no distrito, as tentativas armenias de resistencia na cidade resultaron inútiles.