A Goldra, Mañufe, Gondomar

lugar da parroquia de Mañufe, no concello de Gondomar

Coordenadas: 42°06′14″N 08°46′34.5″O / 42.10389, -8.776250

A Goldra é un lugar da parroquia de Mañufe, no concello pontevedrés de Gondomar na comarca do Val Miñor. Segundo o INE en 2019 tiña 32 habitantes (17 homes e 15 mulleres).

A Goldra
ParroquiaMañufe
ConcelloGondomar
Poboación32 hab. (2019)
editar datos en Wikidata ]

Atópase sobre o antigo camiño real entre Tui e Baiona, a 1,7 km do centro da vila de Gondomar e a 20 metros sobre o nivel do mar.[1]

DescriciónEditar

A Goldra é unha entidade de poboación de Mañufe, constituída por un conxunto de 32 vivendas[2] nunha contorna paisaxística marcado polo río Pequeno (afluente do río Miñor) e O Monte do Castro, do que se encontra ás súas abas. Antigamente o seu casarío situábase á beira do Camiño Real Tui - Baiona, (un dos camiños máis importantes da antiga provincia de Tui durante o Antigo Réxime[3]), e moi próximo á vía de peregrinación coñecida como O Camiño da Nosa Señora do Norte a Santiago. Este último en liñas xerais corresponde na actualidade á estrada provincial PO-2035, ao seu paso por Mañufe.

Limita ao norte coa Moreira e ao nordés con Cristillón. Ao leste fai estrema con San Brais, ao sur coa Costa e San Sebastián; e a poñente con Galisteo.[4]

Pola aldea discorre a ruta patrimonial de San Vicente a San Sebastián do Portelo, deseñada polo Concello de Gondomar e o Instituto de Estudos Miñoranos. A leira coñecida como A Casa do Silva está mencionada como mostra de edificación tradicional. Aparece descrita polo arquitecto Antonio Soliño Troncoso como vivenda de tipoloxía "a fronte pública"; salienta o seu muro "pincho", balcón e porta no primeiro andar do edificio "e porta, á que se chega dende o camiño a través duns chanzos de granito, na baixa". Matiza que esta peza do patrimonio local, foi sometida, décadas atrás a reformas que desvirtuaron a súa estrutura orixinal. Dentro do seu perímetro atópase "un notable hórreo do tipo Mañufe situado sobre o muro que a separa do camiño intentando ocupar deste xeito a mínima superficie posible de terra cultivable."[5]

NotasEditar

  1. "Parroquia de Mañufe". Concello de Gondomar. Consultado o 10/05/2020. 
  2. "Lugar Goldra Mañufe Gondomar". idealista.com. Consultado o 09/06/2020. 
  3. Soliño Troncoso, Antonio; Chamorro Sanromán, Juan (2018). Percorridos polo patrimonio cultural da vila e concello de Gondomar de Miñor. Instituto de Estudos Miñoranos. p. 105. ISBN 978-84-09-06-595-0. 
  4. "Toponimia de Mañufe". Concello de Gondomar. Consultado o 09/06/2020. 
  5. Soliño Troncoso, Antonio. "Ruta 7. Mañufe. De San Vicente a San Sebastian do Portelo". Wikilock. Consultado o 09/06/2020. 

Lugares e parroquiasEditar

Lugares de MañufeEditar

Lugares da parroquia de Mañufe no concello de Gondomar (Pontevedra)

O Barco | O Campo das Bestas | A Costa | Cristillón | A Cruz | Fontán | Galisteo | A Goldra | O Lameiro | A Moreira | Nande | Penalba | Piquetes | A Ponte | A Portavedra | Pousada | O Rapadouro | San Brais | San Sebastián | Santo André | Seidóns | A Sequiña | A Texosa | O Verdeal

Parroquias de GondomarEditar

Galicia | Provincia de Pontevedra | Parroquias de Gondomar

Borreiros (San Martiño) | Chaín (Santa María) | Couso (San Cristovo) | Donas (Santa Baia) | Gondomar (San Bieito) | Mañufe (San Vicente) | Morgadáns (Santiago) | Peitieiros (San Miguel) | Vilaza (Santa María) | Vincios (Santa Mariña)