Morgadáns, Gondomar
Santiago de Morgadáns é unha entidade local menor e unha parroquia que se localiza no concello de Gondomar, na comarca de Vigo. Segundo o padrón municipal de 2008 tiña 1.255 habitantes (624 homes e 631 mulleres), distribuídos en 21 entidades de poboación, o que supón un aumento progresivo en relación aos anos 2004, cando tiña 1.229 habitantes, e 1999, con 1.160.
| Morgadáns | |
|---|---|
 Igrexa parroquial de Santiago de Morgadáns. | |
| Concello | Gondomar[1] |
| Provincia | Pontevedra |
| Coordenadas | 42°06′37″N 8°43′27″O / 42.110347222222, -8.7240472222222Coordenadas: 42°06′37″N 8°43′27″O / 42.110347222222, -8.7240472222222 |
| Poboación | 1.205 hab. (2017) |
| Entidades de poboación | 21[1] |
| [ editar datos en Wikidata ] | |
Historia editar
Durante o antigo réxime formou un morgadío xunto ás parroquias de Chenlo (O Porriño) e Pazos de Reis (Tui).
Pertenceu primeiro á xurisdición de Baiona para formar despois concello propio ata a distribución municipal definitiva de 1836, cando foi definitivamente integrada en Gondomar. Xa en 1844 hai constancia de que os veciños de Morgadáns, xunto ós da parroquia veciña de Chaín reclamaron infrutuosamente formar concello, con capital en San Roque de Morgadáns, hoxe un lugar desta parroquia.
O 7 de agosto de 1932 constituíuse nunha das 9 entidades locais menores que existen en Galiza[2]. Trala guerra civil suspendeu as súas actividades ata 1955. Entre os bens que xestiona destaca o monte do Galiñeiro.
Eclesiasticamente, pertence ao arcipretado de Miñor.[3]
Galería de imaxes editar
- Artigo principal: Galería de imaxes de Gondomar.
-
Río Morgadáns -
Igrexa parroquial. -
Capela de San Roque.
Lugares e parroquias editar
Lugares de Morgadáns editar
| Lugares da parroquia de Morgadáns no concello de Gondomar (Pontevedra) | |
|---|---|
|
A Abelosa | Baralla | A Batizosa | O Camiño Branco | O Carballás | A Carballeira | Os Eidos de Abaixo | As Entreviñas | Ervillás | Gonda | Guillufe | Gulfar | O Lago | Murxido | Os Padróns | A Pedra | O Picouso | Prado | San Roque | Vilas | Viñó | Xende |
Parroquias de Gondomar editar
Notas editar
- ↑ 1,0 1,1 Decreto 219/1998, do 2 de xullo, polo que se aproba o nomenclátor correspondente ás entidades de poboación da provincia de Pontevedra.
- ↑ Referencia
- ↑ "MIÑOR archivos". DIOCESE TUI-VIGO (en castelán). Consultado o 2023-09-13.
Véxase tamén editar
Outros artigos editar
Ligazóns externas editar
- Morgadáns na páxina da Diocese de Tui-Vigo.