Abrir o menú principal

Álvaro Bautista Arce, nado en Talavera de la Reina (Toledo) o 21 de novembro de 1984, é un piloto profesional de motociclismo. Poderíase considerar como un dos mellores saídos da canteira motociclistica española, xunto a pilotos do rango de Dani Pedrosa e Jorge Lorenzo. O seu maior logro foi converterse en campión do mundo de 125cc en 2006. Tamén foi campión de España de 125cc en 2003.

Álvaro Bautista
Alvaro Bautista 2010 Qatar.jpg
Nacemento21 de novembro de 1984
 Talavera de la Reina
NacionalidadeEspaña
Ocupaciónpiloto de motociclismo
editar datos en Wikidata ]

Carreira DeportivaEditar

IniciosEditar

Comezou a montar en moto aos 3 anos e medio e realizou a súa primeira carreira en 1993 na modalidade de minimotos. En 1994 é subcampión de Madrid de minimotos na súa categoría, competindo con pilotos de maior idade, xa que Álvaro era alevín e corría xunto a xuvenís e cadetes.

Na tempada 1995-1996 proclámase campión de Madrid de minimotos. No ano 1997 volve gañar o campionato de Madrid de minimotos e dá o salto á Copa Aprilia de 50cc co campionato moi avanzado e alcanza, no entanto, un magnífico sexto posto na clasificación final e conseguindo o seu primeiro podium nesta categoría.

Para 1998, volve competir na Copa Aprilia, finalizando nun brillante terceiro posto xunto a Jorge Lorenzo (1º) e Joan Olivé (2º).

En 1999 é seleccionado de entre 400 pilotos por Alberto Puig para correr na Copa de promoción Movistar Activa, finalizando en quinta posición.

Para o ano 2000 volve correr na Copa Movistar, estando como reserva para o equipo Movistar Junior Team do campionato de España de 125cc.

125ccEditar

Debuta no mundial en 2001 na categoría de 125cc comeza a tempada co Team Belart, cunha Yamaha 125cc de serie, ata mediados de tempada, cando o equipo Belart, retírase e a punto estivo o tamén de retirarse por falta de recursos, pero chegou Manuel Morente para fichalo e terminar o campionato de España.

No 2002, baixo a tutela de Manuel Morente corre o Campionato de España de Velocidade, o Campionato de Europa e catro carreiras do Mundial como pilotos invitado, en 125 cc coas cores do Team Atlético de Madrid. No campionato de España queda como subcampión e no campionato de Europa consegue varios podios.

En 2003, firma polo equipo Seedorf Racing pilotando unha Aprilia, competindo no mundial de 125cc e no campionato de España de 125cc. Consegue o campionato de España de 125 cc No primeiro ano de Álvaro en Seedorf Racing compartiu box con Héctor Barberá. Tras acabar a tempada, Barberá subiu a 250cc e Álvaro quedou como primeiro piloto da escuadra. Con todo, o equipo cambiou de Aprilia a Honda e o rendemento da nova moto deixou moito que desexar e os tempos empeoraron con respecto ao ano anterior polo que, ao finalizar o ano, cambiou de equipo.

Para o ano 2006 firma co Aprilia Aspar Team que dirixe Jorge Martínez Aspar e pasa a pilotar unha das Aprilias RS125 oficiais, conseguindo o seu maior título ata a data ao quedar como campión do mundo de 125cc a falta tan só de 3 carreiras, no circuíto Philip Island de Australia. Esa tempada consegue 8 vitorias no mundial.

250ccEditar

Tras conseguir o título de 125cc ascende de categoría en 2007 como piloto do Aprilia Aspar Team en 250cc e ten como compañeiro a Alex De Angelis. Consegue na súa tempada de debut na categoría dúas vitorias e termina en cuarta posición o mundial postulándose como un dos favoritos ao título para a seguinte tempada.

En 2008 segue no Aspar Team, sobre unha Aprilia 250 RSA oficial, sendo o piloto número 1 da marca de Noale. Ten como compañeiro a Héctor Faubel. Ao final debido a numerosas caidas ao longo da tempada non puido conquistar o título que foi a parar a Marco Simoncelli terminando Bautista como subcampion con 4 vitorias e 11 podios.

En 2009, Álvaro era unha das apostas do Aspar Team, pero nas últimas carreiras a sorte non estivo ao lado do piloto talaverano, que viu como se lle escapaba o mundial, en beneficio de Aoyama, por tres caidas de forma consecutiva.

MotoGPEditar

En 2010, Bautista corre en Suzuki na máxima categoría, MotoGP, tendo como compañeiro ao piloto italiano Loris Capirossi. A mediados de maio rompeu a clavícula esquerda cando practicaba motocró, o que lle fixo perderse varias carreiras. Consegue dous quintos postos nos grandes premios de Cataluña e Malaisia, e realiza un bo tramo final de campionato.

En 2011 queda como único piloto oficial do equipo Rizla -Suzuki. No primeiro gran premio do ano sofre unha fractura no fémur esquerdo nos últimos adestramentos libres,[1] o que lle impide participar nas dúas primeiras carreiras, reaparecendo no gran premio de Portugal.

O 9 de novembro de 2011 faise oficial a súa fichaxe polo Team San Carlo Fonda Gresini de MotoGP, substituíndo no mesmo ao malogrado piloto Marco Simoncelli con quen tivera grandes batallas na categoría de 250cc e con quen disputaba a posición o día do seu terrible accidente no gran premio de Malaisia dese ano.

O 16 de xuño de 2012 consegue a súa primeira pole position en MotoGP.[2] Foi no Gran Premio da Gran Bretaña, nunha quenda de clasificación marcada pola choiva. O día seguinte acabou a carreira na cuarta posición, a súa mellor clasificación na máxima categoría ata o momento.

Resumo por tempadasEditar

Tempada Categoría Moto Carreiras disputadas Vitorias Podios Poles Puntos Posición
2002 125cc Aprilia 3 0 0 0 0 -
2003 125cc Aprilia 16 0 0 0 31 20º
2004 125cc Aprilia 16 0 4 0 129
2005 125cc Honda 16 0 0 0 47 15º
2006 125cc Aprilia 16 8 14 8 338
2007 250cc Aprilia 17 2 7 1 181
2008 250cc Aprilia 16 4 11 5 244
2009 250cc Aprilia 16 2 10 3 218
2010 MotoGP Suzuki 17 0 0 0 85 13º
2011 MotoGP Suzuki 15 0 0 0 67 13º
Total 148 16 46 17 1188

NotasEditar

Véxase taménEditar

Ligazóns externasEditar