Xosé Antón Bao
Xosé Antón Bao Abelleira, nado en Lugo o 29 de marzo de 1964,[1] é un político galego, ex-tenente de alcalde do concello de Lugo. Foi un dos homes fortes do Bloque Nacionalista Galego na provincia de Lugo. Durante un tempo, foi presidente do Club Baloncesto Breogán, aínda que de xeito provisional, por ser a Deputación o principal accionista do club.[2]
  | |
| Biografía | |
|---|---|
| Nacemento | 29 de marzo de 1964 (60 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | político |
| Partido político | Bloque Nacionalista Galego |
| Lingua | Lingua galega e lingua castelá |
   | |
Traxectoria editar
Pasou a infancia na casa familiar de Cruzul, ata que se instalou en Lugo en 1991. Licenciado en Filoloxía Galego-Portuguesa pola Universidade de Santiago, é profesor de Lingua galega e Literatura de Secundaria. O seu primeiro destino foi Becerreá, localidade na que saíu elixido concelleiro polo BNG en 1995.
No ano 2004, encabezou a candidatura do BNG para o Congreso dos Deputados, nas eleccións xerais de marzo. Non saíu elixido. No ano 2005, accedeu á Deputación Provincial de Lugo, en substitución de Fernando Blanco Álvarez, nomeado daquela conselleiro de Industria. Nas eleccións municipais de 2007, conseguiu acta de concelleiro en Lugo e foi elixido deputado provincial. A alianza entre o PSOE e o BNG permitiulle acceder á vicepresidencia primeira da Deputación até 2011 para centrarse nas tarefas do concello.[3]
Foi membro do consello nacional do BNG dende 2007.[4] Dende 2009, tamén foi o responsable do partido na comarca de Lugo-Centro. En 2013, renunciou á acta de concelleiro de Lugo por motivos persoais,[5][6][7] e retornou á súa praza como profesor de ensino medio.
Membro da CIG-Ensino e da Asociación Socio Pedagóxica Galega, ten realizado investigacións sobre Fuco Gómez, persoeiro clave na cultura galega na Habana durante os anos 20 e 30 do século XX.
Notas editar
- ↑ Pena, Silvia. "Anton Bao". elmundo.es. Consultado o 11-02-2019.
- ↑ Basanta, Paco (10-06-2010). "Antón Bao presidirá el Breogán de forma provisional". elprogreso.es. Consultado o 11-02-2019.
- ↑ Europa Press/redacción (8 de xuño de 2011). "Antón Bao (BNG) renuncia a su puesto en la Diputación para centrarse en el Ayuntamiento de Lugo". 20minutos.es (en castelán). Consultado o 12 de outubro de 2022.
- ↑ "Un Consello para a nación galega". BE-NE-GÁ (21): 5. febreiro 2007.
- ↑ "El nacionalista Antón Bao confirma su renuncia como concejal en Lugo". lavozdegalicia.es. Consultado o 11-02-2019.
- ↑ Vidal, Xoán C. (21-12-2013). "Antón Bao deja la política por motivos persoais tras 15 años en cargos públicos". elprogreso.es. Consultado o 11-02-2019.
- ↑ A., D. (20-12-2013). "Antón Bao presenta a súa demisión como concelleiro do BNG de Lugo". sermosgaliza.gal. Arquivado dende o orixinal o 12-02-2019. Consultado o 11-02-2019.