Xoana de Évreux

Xoana de Évreux, nada en Évreux en 1310 e finada en Brie o 4 de marzo de 1371, foi raíña consorte de Francia e Navarra (1325 - 1328).

Xoana de Évreux
Nacemento	1310
Lugar de nacemento	Évreux
Falecemento	4 de marzo de 1371
Lugar de falecemento	Brie-Comte-Robert
Soterrada	Basílica de Saint-Denis
Nacionalidade	Reino de Francia
Relixión	cristianismo
Ocupación	royalty
Pai	Luís de Évreux
Nai	Margarida de Artois
Cónxuxe	Carlos IV de Francia
Fillos	Branca de França e Marie of France
Irmáns	Charles d'Évreux, Filipe III de Navarra, Marie d'Évreux e Marguerite d'Évreux
Na rede
[ editar datos en Wikidata ]

Traxectoria

Filla do conde Luís de Évreux e Margarida de Artois. Era neta pola liña paterna do rei Filipe III de Francia e María de Brabante e pola liña materna de Filipe de Artois e Branca da Bretaña. Era irmá do rei Filipe III de Navarra. Casou en Brie o 5 de xullo de 1325 co rei Carlos IV de Francia, sendo a súa terceira esposa. Desta unión naceron:

• A princesa Xoana de Francia (1326 - 1327).
• A princesa María de Francia (1327 - 1341).
• A princesa Branca de Francia (1327 - 1392), que casou en 1344 co duque de Orleáns Filipe de Orleáns.

Foi coroada raíña o 11 de maio de 1326 na Sainte-Chapelle de París.

En 1326 deu a luz a unha filla, que viviu só un ano. Ao ano seguinte, trouxo ao mundo unha nova filla. De novo embarazada aa morte do rei, 1 de febreiro de 1328, continuou a incerteza sobre a sucesión masculina do reino. Por fin deu a luz unha nova filla. Coa Lei sálica prevalecendo no Reino, estes nacementos provocarán o fin da rama principal e directa da dinastía Capeto para iniciar a dinastía Valois.

Xoana de Évreux morreu en Brie en 1371 e foi enterrada xunto ao seu marido na catedral de Saint Denis en París.

O Libro de horas de Xoana de Évreux, de Jean Pucelle que se conserva no museo The Cloisters de Nova York, é unha das obras mestras da miniatura medieval.