Filipe III de Navarra
Filipe III de Navarra, tamén coñecido como Filipe de Évreux ou Filipe o Nobre, nado o 27 de marzo de 1306 e finado en Jerez de la Frontera o 16 de setembro de 1343, conde de Évreux e de Longueville, e rei de Navarra (por jure uxoris).[1]
| Filipe III de Navarra | |
|---|---|
| Rei de Navarra Conde de Évreux e de Longueville | |
 | |
| Extracto dunha miniatura conservada na Biblioteca Nacional de París | |
| Reinado | 1329 – 1343 |
| Coroación | 5 de marzo de 1329, na Catedral de Pamplona |
| Nacemento | 27 de marzo de 1306 |
| Falecemento | 23 de setembro de 1343 Jerez de la Frontera |
| Sepultura | Basílica de Saint-Denis, París |
| Predecesor | Carlos I de Navarra |
| Sucesor | Carlos II de Navarra |
| Consorte | Xoana II de Navarra |
| Descendencia | Véxase: Descendencia |
| Casa real | Casa de Évreux |
| Proxenitores | Luís de Évreux Margarida de Artois |
_with_the_Royal_Crest.svg) Armas dos monarcas de Navarra da Casa de Évreux | |
| Na rede | |
   | |
Foi o terceiro vástago e segundo varón de Luís de Évreux e de Margarida de Artois. A través do seu pai era descendente do rei San Luís de Francia e, a través da súa nai, de Luís VIII de Francia.
Traxectoria Editar
En 1319, a morte de seu pai converteu o seu irmán máis vello, Carlos, en herdeiro do Condado de Etampes, mentres que el herdaría o de Évreux, en Normandía. No ano anterior, con data 18 de xuño, e co beneplácito do seu primo o rei Filipe V de Francia, contraeu nupcias coa orfa Xoana II de Navarra, filla de Luís X de Francia e da súa primeira esposa Margarida de Borgoña, que fora afastada da sucesión ao trono francés en virtude da lei sálica (e das sospeitas de bastardía que recaían nela), pero á cal as Cortes de Navarra si recoñeceran como herdeira.
Ao morrer en 1328 Carlos IV de Francia, tamén rei de Navarra, o novo rei Filipe VI fixo valer os dereitos de Xoana e, xunto a Filipe, foron ambos os dous coroados na catedral de Pamplona o 5 de marzo de 1329 como Xoana II e Filipe III, reis de Navarra.
As Cortes de Navarra admitiron que Filipe exercese o goberno, aínda que debería cederllo ao seu primoxénito cando cumprira os 21 anos. Pero máis interesados nos asuntos e a política francesa, sobre todo en canto ao que significase Normandía, os novos monarcas non tardaron en abandonar Pamplona, gobernando o reino por intermedio de lugartenentes franceses.
Antes de ser coroados na capital do reino pirenaico, Filipe de Évreux combateu na campaña flamenga de Filipe VI e tamén participou na batalla de Cassel. Igualmente estivo presente canda o rei francés en Amiens, cando o fillo da súa prima Isabel de Francia, Eduardo III de Inglaterra, rendeu homenaxe a Filipe VI polas súas posesións en Aquitania.
En 1331 o rei de Navarra visitou Aviñón onde, co rei de Francia, ambos os dous recibiron a cruz do papa para ir á cruzada xunto co rei de Aragón e o de Bohemia. Porén, esta cruzada nunca se realizaría.
Iniciada a guerra dos Cen Anos púxose de parte de seu primo Filipe VI de Francia, e co rei escocés (David II) e o bohemio (Xoán I) loitaron en Tournai e Cambrai.
Sendo Navarra un reino ibérico, tamén prestou atención aos problemas que ocorrían na península, e participou na Reconquista, aliado do rei Afonso XI de Castela, contra o Reino de Granada, tomando parte no asedio de Alxeciras en (1343), onde foi ferido gravemente por unha frecha que se lle cravou no pescozo, o que o obrigou a regresar ao seu reino; pero a pesar dos coidados do seu físico (médico), faleceu a finais de setembro en Jerez de la Frontera.[2]
O seu cadáver foi trasladado a Pamplona onde foi inhumado na Catedral.[2]
A súa muller Xoanana continuou reinando soa.
Descendencia Editar
Da unión entre Filipe e Xoana naceron:
- Xoana (1325 – 3 de xullo de 1387. Henrique de Sully, nomeado gobernador de Navarra polos seus soberanos, concertou no seu nome, en 1329 o matrimonio da súa filla máis vella Xoana co infante Pedro, fillo máis vello e herdeiro do rei Afonso IV de Aragón. Pero entre 1336 e 1339, Sully negociou porén o matrimonio de Pedro (convertido xa no rei de Aragón Pedro IV o Cerimoniso) con María, irmá seguinte de Xoana, que o rei aragonés prefería. Para permitir este casamento, Xoana fíxose relixiosa na abadía de Longchamp en 1337, á idade de 12 anos e renunciou o ano seguinte aos seus dereitos ao reino de Navarra a favor da súa irmá María. Xoana recibiu en compensación unha renda de 1 000 libras, procedentes do señorío de Mantes.
- María de Évreux (1330–1347), casada con Pedro IV de Aragón.[3]
- Carlos de Évreux (1332–1387), rei de Navarra como Carlos II.
- Branca de Évreux (1333–1398), casada en 1349 con Filipe VI de Francia
- Inés de Évreux (1334–1396), casada con Gastón III Febo, conde de Foix e vizconde de Bearn
- Filipe de Évreux (1336–1363), conde de Longueville
- Xoana Inés de Évreux (1338–1387), casada con Josep de Llinás e de Aragón, barón de Llinás. Ao falecemento deste en 1371 ingresou como monxa nun convento.
- Xoana de Évreux (1339–1403), casada con Xoán I de Rohan.
- Luís de Évreux (1341–1372). Foi conde de Beaumont-le-Roger.
Antepasados Editar
| 16. Luís VIII de Francia | ||||||||||||||||
| 8. San Luis IX de Francia | ||||||||||||||||
| 17. Branca de Castela | ||||||||||||||||
| 4. Filipe III de Francia | ||||||||||||||||
| 18. Ramón Berenguer V de Provenza | ||||||||||||||||
| 9. Margarida de Provenza | ||||||||||||||||
| 19. Beatriz de Savoia | ||||||||||||||||
| 2. Luís de Évreux | ||||||||||||||||
| 20. Henrique II de Brabante | ||||||||||||||||
| 10. Henrique III de Brabante | ||||||||||||||||
| 21. María de Suabia | ||||||||||||||||
| 5. María de Brabante | ||||||||||||||||
| 22. Hugo IV de Borgoña | ||||||||||||||||
| 11. Adelaida de Borgoña | ||||||||||||||||
| 23. Violante de Dreux | ||||||||||||||||
| 1. Filipe III de Navarra | ||||||||||||||||
| 24. Roberto I de Artois | ||||||||||||||||
| 12. Roberto II de Artois | ||||||||||||||||
| 25. Matilde de Brabante | ||||||||||||||||
| 6. Filipe de Artois | ||||||||||||||||
| 26. Pedro de Courtenay | ||||||||||||||||
| 13. Amicia de Courtnay | ||||||||||||||||
| 27. Petronila de Joigny | ||||||||||||||||
| 3. Margarida de Artois | ||||||||||||||||
| 28. Xoán I da Bretaña | ||||||||||||||||
| 14. Xoán II da Bretaña | ||||||||||||||||
| 29. Branca de Navarra | ||||||||||||||||
| 7. Branca da Bretaña | ||||||||||||||||
| 30. Henrique III de Inglaterra | ||||||||||||||||
| 15. Beatriz de Inglaterra | ||||||||||||||||
| 31. Leonor de Provenza | ||||||||||||||||
| Predecesor: Luís |
Conde de Évreux 1319 – 1343 |
Sucesor: Carlos II |
| Predecesor: Luís |
Conde de Longueville 1319 – 1343 |
Sucesor: Filipe |
| Predecesor: Carlos I |
Rei de Navarra (de jure uxoris) 1328 – 1343 |
Sucesor: Carlos II |
Notas Editar
- ↑ Polo dereito da súa muller
- ↑ 2,0 2,1 Reis Capetos de Francia en Medieval Lands (en inglés).
- ↑ Surget, Marie-Laure (2008): "Mariage et pouvoir: réflexion sur le rôle de l'alliance dans les relations entre les Évreux-Navarre et les Valois au XIVe siècle (1325-1376)", Annales de Normandie, ano 58, nº 1-2, p. 34.
Véxase tamén Editar
Wikimedia Commons ten máis contidos multimedia na categoría: Filipe III de Navarra  |
Bibliografía Editar
- Ramírez de Palacios, Bruno (2015): Charles dit le Mauvais: roi de Navarre, comte d'Évreux, prétendant au trône de France. 2ª ed. Editions la Hallebarde. ISBN 978-2-9540-5853-5.