Woldemar von Tiesenhausen

numismático e orientalista ruso

O barón Ernst Woldemar von Tiesenhausen (en ruso: Wladimir Gustavovitch von Tiesenhausen), nado en Narva o 25 de febreiro de 1825 e finado en San Petersburgo o 2 de febreiro de 1902, foi un académico, orientalista e numismático de familia alemá e nacionalidade rusa.[1][2]

Woldemar von Tiesenhausen
(Wladimir Gustavovitch von Tiesenhausen)
Datos persoais
Nacemento25 de febreiro de 1825
LugarNarva vapp.svg Narva.
Flag of Russian Empire for private use (1914–1917).svg Imperio Ruso.
Falecemento2 de febreiro de 1902 (76 anos)
LugarCoat of Arms of Saint Petersburg (2003).svg San Petersburgo.
Flag of Russian Empire for private use (1914–1917).svg Imperio Ruso.
NacionalidadeRusa
Actividade
CampoNumismática e orientalismo.
Alma máterUniversidade Estatal de San Petersburgo.
Contribucións e premios
Influído porChristian Martin Frähn.
Premios(1901): Medalla da RNS.
editar datos en Wikidata ]

TraxectoriaEditar

Woldemar von Tiesenhausen pertencía a unha antiga familia da nobreza alemá do Báltico, os Tiesenhausen, que chegaron a Livonia cos cabaleiros teutónicos.[1]

Era fillo do tenente coronel Gustav von Tiesenhausen, que estaba ao servizo de de Rusia, e da súa muller, Juliane.[1]

Logo de cursar o seu ensino secundario no primeiro gymnasium clásico de San Petersburgo, en 1848 graduouse na Facultade de Linguas Orientais da Universidade de San Petersburgo.[1] Tamén perfeccionou a súa formación en encontros privados con Christian Martin Frähn (1782-1851), un prestixioso orientalista alemán ao servizo do Imperio Ruso e director do Museo Asiático da Academia Imperial.

Malia ter ascendencia nobre, carecía de fortuna persoal e en 1841 entrou na Función Pública, na que permaneceu durante 12. En 1861 foi destinado á Comisión Arqueolóxica Imperial, na que prestou servizos ata 1900, desde 1895 como vicepresidente.[1][2] En tal condición emprendeu varias escavacións nos emprazamentos de antigas cidades gregas ou escitas no norte do Cáucaso e na Pequena Rusia (correspondente, aproximadamente, á actual Ucraína).

Tiesenhausen puido completar as súas investigacións e as súas obras grazas ao mecenado do conde Stroganov, un coleccionista erudito cunha gran riqueza que financiou tamén unha viaxe do barón por Europa en 1880, coa finalidade de recoller manuscritos relacionados coa Horda de Ouro, o que deu lugar a unha publicación sobre este tema en 1884 (o segundo tomo foi publicado en 1941 pola Academia de Ciencias da URSS, xa que Tiesenhausen non tivo medios para facelos no seu tempo e o seu mecenas xa falecera). Este segundo tomo aproveita especialmente as fontes persas.

Outro dos seus traballos máis sobranceiros foi un estudo sobre as moedas orientais do propio Conde Stroganof, publicado en 1880.[2]

En 1893, Tiesenhausen ingresou como membro correspondente da Academia Imperial de Ciencias de Rusia, na categoría de Literatura Oriental.[1][2]

RecoñecementosEditar

PublicaciónsEditar

Estes son os traballos monográficos publicados polo barón Tiesenhausen ao longo da súa carreira académica:[4]

 
Publicación de Tiesenhausen sobre a historia da Horda de Ouro (1884).

NotasEditar

  1. 1,0 1,1 1,2 1,3 1,4 1,5 "Tiesenhausen, Ernst Woldemar Bar. v. (1825-1902)". Baltisches biografisches Lexikon digital (https://bbld.de).
  2. 2,0 2,1 2,2 2,3 Тизенгаузен, Владимир Густавович // Энциклопедический словарь Брокгауза и Ефрона : в 86 т.. — СПб., 1890—1907. ["Tiesenhausen, Vladimir Gustavovich". En Dicionario Enciclopédico Brockhaus e Efron. Vol 86. San Petersburgo, 1890-1907].
  3. "The Society’s Medal". Royal Numismatic Society.
  4. "Tizengauzen, Vladimir Gustavovich 1825-1902". WorldCat Identities.

Véxase taménEditar

Ligazóns externasEditar