Vituco Neira
José Víctor Neira Calzadilla, máis coñecido como Vituco Neira, nado en Aríns, é un músico galego.
.jpg)  | |
| Biografía | |
|---|---|
| Nacemento | Aríns |
| Datos persoais | |
| País de nacionalidade | España |
| Actividade | |
| Ocupación | músico , guitarrista , cantante , locutor de radio |
| Lingua | Lingua castelá |
É coñecido principalmente por ser o líder, vocalista e guitarrista do grupo de rock Ruxe Ruxe. Forma parte tamén da banda Barbitúricos e traballou durante anos na radio, presentando o programa musical Planeta Furancho, na Radio Galega, e colaborando noutros programas como Aberto por reformas ou Diario Cultural.
Traxectoria editar
En 1996, xunto a outros amigos do instituto formou a banda Ruxe Ruxe, converténdose no vocalista e guitarrista do grupo. En 1999 sacaron o seu primeiro disco, ao que seguiron outros catorce durante as seguintes dúas décadas, así como concertos por toda a Península e mesmo fóra dela.[1][2] En 2014 formou un grupo en paralelo a Ruxe Ruxe, chamado Barbitúricos, para o que se xuntou con Xurxo Pinheiro (Xenreira, Malandrómeda) e José Manuel Piedra (Desequilibrio mental, Astarot), e ao que máis tarde se uniu Fidel Vázquez.[3] En abril de 2023 presentouse o grupo Malabesta no que Vituco forma parte como vocalista compartindo proxecto con X.M. Piedra na percusión e os músicos de jazz David Regueiro na guitarra, Ismael Cabaleiro no violín e Diego de Lera no contrabaixo.
Traballou na radio, colaborando no programa Aberto por reformas, presentado por Xurxo Souto na Radio Galega, e en 2009 comezou a presentar o seu propio programa musical, Planeta Furancho, na Radio Galega Música.[4] En febreiro de 2015 Vituco Neira anunciou que o 29 de maio dese ano, e despois de máis de 1400 programas, estaba prevista a última emisión do programa, o que provocou protestas e mobilizacións do sector musical galego,[5][6] chegando o tema incluso ao Parlamento de Galicia.[7][8] Actualmente forma parte do equipo do Diario Cultural da Radio Galega e escribe sobre música galega no semanario cultural "Faro da Cultura" do xornal Faro de Vigo.
Discografía editar
Con Ruxe Ruxe editar
- Ruxe-Ruxe (1999)
- Non temos medo (2000)
- A terra dos comentos (2002)
- Fervendo (2004)
- Comercial (2006)
- Xigantes (2008)
- Na fura de diante (2010)
- Máis cancións sobre toxos, cardos e silveiras (2012)
- Némesis (2014)
- Un mundo perfecto (2015)
- 20 segundos (2016)
- BSO "Alén do Cosmos" de Pedro Pablo Alonso. (2016)
- Petos Furados (EP, 2019)
- Alfaia Punk (EP, 2020)
- O estraño falar dun monstro da aldea (2020)
- Unha noite no interior dunha faísca (2023)
Con Barbitúricos editar
- Barbitúricos (2016) - Dobre sinxelo
Notas editar
- ↑ "Ruxe Ruxe e o orgullo rock da aldea". Nós Diario. 13 de febreiro de 2020. Consultado o 18 de febreiro de 2020.
- ↑ "Biografía de Ruxe Ruxe". lafonoteca.net (en castelán). Consultado o 18 de febreiro de 2020.
- ↑ "Os carteis dos festivais de verán enchen ocos". 9 de marzo de 2018. Consultado o 21 de febreiro de 2020.
- ↑ "La Radio Galega renueva su programación para "volver a ser referente" y alcanzar los picos de audiencia "de hace 4 años"" (en castelán). 4 de setembro de 2009. Consultado o 21 de febreiro de 2020.
- ↑ "Músicos e ouvintes mobilízanse por Planeta Furancho". 26 de maio de 2015. Consultado o 21 de febreiro de 2020.
- ↑ "Esixen con música que a CRTVG repoña “Planeta Furancho” e “Aberto por reformas”". Sermos Galiza. 24 de maio de 2015. Consultado o 21 de febreiro de 2020.
- ↑ "A CRTVG resta importancia á fin de 'Planeta Furancho' polo seu "seguimento minoritario”". 30 de xuño de 2015. Consultado o 21 de febreiro de 2020.
- ↑ "Radio Galega y Radio Galega Música: Estrenos y novedades en la programación" (en castelán). 21 de setembro de 2015. Consultado o 21 de febreiro de 2020.