Vanessa Paradis

Vanessa Chantal Paradis, nada en Saint-Maur-des-Fossés, Val-de-Marne, o 22 de decembro de 1972, é unha cantante e actriz de cinema francesa.

Vanessa Paradis

Biografía
Nacemento	(fr) Vanessa Chantal Paradis 22 de decembro de 1972 (51 anos) Saint-Maur-des-Fossés (Francia)
Datos persoais
Residencia	París
País de nacionalidade	Francia
Educación	Lycée Marcelin-Berthelot Université Paris-Sorbonne
Cor do pelo	Louro
Actividade
Ocupación	cantante , actriz de cinema , modelo , modelo , actriz , artista discográfico
Período de actividade	1983 -
Xénero artístico	Chanson, new age, música pop, música rock e indie pop
Lingua	Lingua francesa e lingua inglesa
Instrumento	Guitarra e voz
Selo discográfico	Barclay Records
Familia
Cónxuxe	Samuel Benchetrit (pt) (2018–)
Parella	Benjamin Biolay (pt) (2012–2015) Johnny Depp (1998–2012) Stanislas Merhar (pt) (1997–1998) Lenny Kravitz (1992–1997) Florent Pagny (1988–1991)
Fillos	Lily-Rose Depp (pt)  () Johnny Depp Jack Depp (pt)  () Johnny Depp
Irmáns	Alysson Paradis
Premios (2015)  Cabaleiro da Lexión de Honra (2014)  Premio Victoire á interprete feminina (2008)  Premio Victoire á interprete feminina (1990)  Prêmio Romy Schneider (pt) (1990)  Premio Victoire á interprete feminina  Premios César  cabaleiro da orde das Artes e as Letras
Páxina web	vanessaparadis.fr

Traxectoria

Foi descuberta no programa de televisión L'École des fans en 1980. Vanessa Paradis gravou o seu primeiro sinxelo chamado La Magie des surprises-parties en 1985. Aínda que non foi un grande éxito, preparou o terreo para a canción coa cal se fixo internacionalmente coñecida, Joe le Taxi en 1987, editada cando tiña só 14 anos. Permaneceu no número 1 en Francia durante 14 semanas. Foi sacada do seu primeiro álbum Marilyn et John.

En 1991, Paradis promocionou unha nova fragrancia para Chanel, chamada Coco. No anuncio, aparece vestida de negro e con plumas, representando un paxaro bambeándose nunha gaiola, aproveitando a súa similitude naqueles tempos, coa caricatura de "piolín" (tweety).

En 1992, xa con 19 anos e traballando en Estados Unidos co músico de rock Lenny Kravitz, que foi o seu noivo por un tempo, Paradis comezou a traballar no seu novo disco cantado en inglés, idioma no que xa se desenvolvía ben. Escrito e producido polo propio Kravitz, o álbum, titulado simplemente Vanessa Paradis, alcanzou o nº1 en Francia. Un dos sinxelos do disco foi Be my baby, que foi nº5 de vendas neste mesmo país.

Vanessa Paradis participou en numerosas películas, as máis coñecidas son La fille sur le pont de Patrice Leconte (1999), un romance en branco e negro coprotagonizado por Daniel Auteuil, e Mon Ange (2004).

No ano 2000, gravou un disco chamado Bliss, que dedicou á súa filla (o seu fillo aínda non nacera) e á súa parella, Johnny Depp. Foi tamén un éxito en Francia.

No 2004, Chanel elixiuna novamente para promocionar a súa nova liña de bolsos de man The New Mademoiselle.

No terreo musical gravou un novo disco, Divinidylle, que saíu á venda en setembro do 2007. O primeiro sinxelo co mesmo nome foi un éxito na radio francesa en xuño do 2007.

Familia

Desde o ano 1998, Paradis mantén unha relación co actor estadounidense Johnny Depp. Coñecéronse na sala dun hotel en París cando el filmaba alí a película La novena puerta (1999).

A parella non casou aínda, malia que varios rumores dunha voda correron durante estes últimos anos. Teñen unha filla, Lily - Rose Melody Depp (nada o 27 de maio de 1999) e un fillo, Jack John Christopher Depp III (nacido o 9 de abril do 2002). A parella divide o seu tempo entre Hollywood, unha casa ao sur de Francia e unha illa nas Bahamas, e tamén teñen apartamentos en París e en Manhattan.

Johnny Depp dirixiu o novo vídeo da canción L'incendie da súa esposa, clip de tres minutos no que Paradis baila no escenario dun teatro mentres é observada por un estraño home con chapeu, supostamente Depp, cuxa cara nunca se mostra. O soporte do micrófono estala en chamas e o chan incéndiase con cada un dos seus pasos, atopándose ambos ao final e desaparecendo nunha brillante explosión de lume.

Discografía

Álbums

• M & J (1988)Francia #13
• Variations Sur Le Même T'aime (1990) Francia #6
• Vanessa Paradis (1992) Francia #1 (Reino Unido #45)
• Vanessa Paradis Live (1994) Francia #7
• Bliss (2000) Francia #1
• Vanessa Paradis live au Zenith (2001) Francia #19
• Divinidylle (2007), Francia #1

Sinxelos

• "Joe Le Taxi" (#1, 1987)
• "Manolo Manolete" (#10, 1988)
• "Marilyn & John" (#4, 1988)
• "Maxou" (#13, 1988)
• "Coupe Coupe" (#20, 1989)
• "Tandem" (#22, 1990)
• "Dis Lui Toi Que Je T'aime" (#41, 1990)
• "Be My Baby" (#5, 1992)
• "Sunday Mondays" (#41, 1992)
• "Commando" (2000)
• "Pourtant" (2000)
• "Que fait la vie?" (2000)
• "Divine Idylle" (2007)
• "Dès que j'te vois" (2007)
• "L'incendie" (2008)
• "Les Piles" (verán de 2008) (en dúo con Matthieu Chédid)
• "Joe le taxi" (inverno do 2008) (directo)

Filmografía

• Noce blanche (1989) de Jean-Claude Brisseau
• Élisa (1995), de Jean Becker
• Un amour de sorcière (1997) de René Manzor
• Une chance sur deux (1998) de Patrice Leconte
• La Fille sur le pont (1999) de Patrice Leconte
• Lost in La Mancha (2002) de Keith Fulton e Louis Pepe
• Atomik Circus, le retour de James Bataille (2004) de Didier Poiraud e Thierry Poiraud
• Tony 'n' Tina's Wedding (2004) de Roger Paradiso
• Mon ange (2005) de Serge Frydman
• The Gypsy's Curse (2005) de Philippe Decouflé
• La clef (2007) de Guillaume Nicloux

Véxase tamén

Ligazóns externas

• Sitio oficial Arquivado 28 de xullo de 2010 en Wayback Machine. (en francés).
• Vanessa Paradis en Biosstars International (en castelán).