Ulf Dräger

Ulf Dräger, nado en Halle, Saxonia-Anhalt en 1965, é un numismático e museólogo alemán, xefe do Gabinete Numismático Estatal de Saxonia-Anhalt e presidente da Asociación de Museos de Saxonia-Anhalt desde 2018.

Ulf Dräger

Ulf Dräger en 2022
Biografía
Nacemento	1965 Halle (Saale), Alemaña
País de nacionalidade	Alemán.
Actividade
Campo de traballo	Numismática e museoloxía.
Ocupación	numismático, museólogo
Empregador	Gabinete Numismático Estatal de Saxonia-Anhalt.
Membro de	Sociedade Numismática Alemá. Sociedade Alemá da Medalla de Arte.
Premios
(2023): Eligiuspreis (DNG).
Lista (2023)  Eligiuspreis

Traxectoria

Primeiros anos e formación

O interese de Dräger polos temas históricos vénlle do seu pai, que traballaba como arquiveiro no antigo Arquivo Segredo do Estado Prusiano en Merseburg.

No entanto, inicialmente formouse como fotógrafo, aínda que e máis tarde cursou estudos de Museoloxía na Escola Técnica de Museoloxía (Fachschule für Museologen) de Leipzig, dos que se graduou en 1988, cunha memoria acerca dos deseños de medallas de Karl Friedrich Schinkel. Esta tese apareceu publicada en 1994 no Jahrbuch für Numismatik und Geldgeschichte baixo o título de Entwürfe für Medaillen und Orden von Karl Friedrich Schinkel 1812 bis 1818 ("Deseños de medallas e condecoracións de Karl Friedrich Schinkel de 1812 a 1818").

Traxectoria museolóxica e numismática

A súa toma de contacto coa numismática produciuse durante os seus anos de estudante, durante unhas prácticas con Eva Wipplinger, daquela encargada do Gabinete Estatal de Numismática do Museo de Arte de Moritzburg, en Halle, institución na que Dräger ingresou en 1988, logo da súa graduación, como asistente de investigación. Alí fíxose cargo máis tarde da xestión da colección —que en 1990 pasou a coñecerse como Gabinete Numismático Estatal de Saxonia-Anhalt—, e en 2010 foi nomeado tamén conservador da Colección de Artesanía e Deseño. En setembro de 2018, foi elixido presidente da Asociación de Museos de Saxonia-Anhalt.

Ulf Dräger é autor, redactor e editor de numerosas publicacións especializadas. As súas investigacións céntranse na arte da medallística e da numismática alemás. É un membro activo da Federación Internacional da Medalla de Arte (FIDEM) e desempeñou un papel clave no portal virtual de moedas KENOM, onde se rexistran e se publican coleccións científicas en relación coa moeda e a medalla.

Dräger é representante do estado federado de Saxonia-Anhalt na Comisión Numismática dos Estados da República Federal de Alemaña, e presidente do padroado da Fundación Gitta Kastner. Foi tamén vicepresidente da Sociedade Numismática Alemá de 2004 a 2019 e presidente da Sociedade Alemá da Medalla de Arte de 2004 a 2010.

En 1991 Dräger comezou a exercer a docencia na Universidade de Halle-Wittenberg.

Recoñecementos

• (2023): Eligiuspreis, da Sociedade Numismática Alemá.

Publicacións

Esta é unha escolma dos traballos monográficos publicados por Ulf Dräger ao longo da súa traxectoria, como autor ou en condición de editor:

Autor

• (1994). Entwürfe für Medaillen und Orden von Karl Friedrich Schinkel 1812 bis 1818. Bayerische Numismatische Gesellschaft, Múnic. ISBN 9783980178358
• (2015). Hallesche Medaillenkunst für die Leopoldina (con D. Weber). Deutsche Akademie der Naturforscher Leopoldina, Halle. ISBN 978-3-8047-3498-2
• (2017). Bernd Göbel. Medaillen 2012−2017. Schönheiten und Unbegreiflichkeiten. Neue Medaillen für das 21. Jahrhundert. Mitteldeutscher, Halle. ISBN 978-3-95462-949-7
• (2019). Levon I. Ein armenischer König im staufischen Outremer. Kulturstiftung Sachsen-Anhalt, Leitzkau. ISBN 978-3-96502-005-4

Editor

• (1992). Medaillenkünstlerinnen in Deutschland. Kreativität in Geschichte und Gegenwart. Staatliche Galerie Moritzburg, Halle. ISBN 978-3-86105-066-7
• (1999). An Gottes Segen ist alles gelegen. Bergbau und Kunst im Mansfelder Land (con R. Knape). Stiftung Luthergedenkstätten in Sachsen-Anhalt, Lutherstadt Wittenberg. ISBN 978-3-9806328-5-0
• (2000). "Die Güter dieser Welt".Schätze der Lutherzeit aus den Sammlungen der Moritzburg Halle (con K. Bake). Staatliche Galerie Moritzburg, Halle 2000, ISBN 978-3-86105-047-6.
• (2011). Bernd Göbel. Halle (Saale). Medaillen, Plastik, Geräte, Grafik. Hallescher Kunstverein, Halle.
• (2011). Idee Schatzkammer. Kostbarkeiten und Raritäten aus der Moritzburg. Stiftung Moritzburg, Halle. ISBN 978-3-86105-039-1
• (2011). Geld für Magdeburg. Die Münzstätte in der Moritzburg zu Halle. Stiftung Moritzburg, Halle. ISBN 978-3-86105-044-5
• (2013). Impulse. Halle und die Numismatik. Wissenschaftlicher Tagungsband zum 8. Deutschen und 19. Mitteldeutschen Münzsammlertreffen 14. bis 16. Oktober 2011. Numismatischer Verein, Halle.
• (2016). Chinas Geld. Stiftung Dome und Schlösser in Sachsen-Anhalt / Kunstmuseum Moritzburg, Halle. ISBN 978-3-86105-005-6
• (2021). Unentdeckte Schätze in den Museen Sachsen-Anhalts (con A. Laabs). Michael Imhof, Petersberg. ISBN 978-3-7319-0963-7

Véxase tamén

Bibliografía

• "Dräger, Ulf". En Coins Weekly. 5 de setembro de 2019.
• "Eligiuspreis 2023 - Ulf Dräger". En Numismatisches Nachrichtenblatt. Marzo de 2023. Páxina 108.