Thomas Robinson
Thomas Earl Robinson, nado o 17 de marzo de 1991 en Washington, D.C., é un xogador americano de baloncesto profesional que xoga no BC Khimki da VTB United League.
_0_BC_Khimki_EuroLeague_20180321.jpg)
| |
| Khimki – No. 0 | |
| Información persoal | |
|---|---|
| Nacemento | 17 de marzo de 1991 (33 anos) Washington, D.C.
|
| Nacionalidade |  Estados Unidos
|
| Altura | 2,08 m (6 ft 10 in) |
| Peso oficial | 108 kg (237 lb) |
| Posición | Ala-pivote |
| Liga | VTB United League |
| Información da carreira | |
| Instituto | Brewster Academy (Wolfeboro, Nova Hampshire) |
| Universidade | Kansas (2009–2012) |
| NBA Draft | 2012 / Rolda: 1 / Elección: 5 Por Sacramento Kings |
| Carreira | dende 2012 |
| Historial de equipos | |
| Sacramento Kings (2012–2013) Houston Rockets (2013) Portland Trail Blazers (2013–2015) Philadelphia 76ers (2015) Brooklyn Nets (2015–2016) Los Angeles Lakers (2016–2017) Khimki (2017–presente) | |
Instituto editar
Robinson xogou ó baloncesto no Brewster Academy en Wolfeboro, Nova Hampshire. No seu último ano, fixo 16 puntos, 13 rebotes e 5 tapóns por partido. Era considerado coma o segundo mellor xogador do seu equipo, xusto despois de Charlie Henn, quen era ademais o seu mellor amigo.
Traxectoria universitaria editar
Robinson comezou o seu ano coma júnior e a tempada 2011-2012 coma un dos 50 candidatos ó premio John R. Wooden da pretempada.[1] Xunto ó seu compañeiro de equipo Tyshawn Taylor, esperábase que Robinson se convertera nun dos líderes do equipo de Kansas. O 31 de decembro de 2011, nun partido contra Dakota do Norte, Robinson anotou 30 puntos e capturou 21 rebotes. Foi o primeiro xogador de Kansas en facer 30 puntos e 20 rebotes dende que o fixera Wayne Hightower en 1961 contra Missouri, tras conseguir 36 puntos e 21 rebotes.[2] Ó remate da tempada regular da conferencia Big 12, Robinson foi segundo en dobres-dobres conseguidos, con 22, por detrás de O.D. Anosike do Siena College. Robinson rematou ademais acadando 18 puntos e 11.9 rebotes por partido.
O 4 de marzo de 2012, Robinson foi nomeado Xogador do Ano da Big 12 de 2012, seleccionado polos adestradores.[3] O 5 de marzo de 2012, foi galardoado co premio Associated Press ao Xogador do Ano da Big 12.[4]
O 9 de abril de 2012, Robinson decidiu saltarse o seu último ano universitario, e declarouse elixible para o Draft da NBA de 2012.[5]
Traxectoria profesional editar
O 28 de xuño de 2012, Robinson foi elixido na 5ª posición do Draft da NBA de 2012 polos Sacramento Kings.
O 20 de febreiro de 2013, Robinson foi traspasado ós Houston Rockets xunto a Francisco García e Tyler Honeycutt a cambio de Cole Aldrich, Patrick Patterson e Toney Douglas.[6]
O 10 de xullo de 2013, Robinson foi traspasado ós Portland Trail Blazers a cambio dos dereitos de Kostas Papanikolaou e Marko Todorović, ademais de dúas futuras de eleccións da segunda rolda do Draft.[7]
O 19 de febreiro de 2015, Robinson foi traspasado xunto a Will Barton, Víctor Claver e unha elección da primeira rolda do Draft de 2016 ós Denver Nuggets, a cambio de Arron Afflalo e Alonzo Gee.[8] Tres días máis tarde foi cortado polos Nuggets, sen chegar a xogar ningún partido con eles.[9] O 24 de febreiro de 2015, os Philadelphia 76ers contrataron a Robinson,[10] e fixo o seu debut co equipo ó día seguinte, acadando 7 puntos e 6 rebotes na derrota por 88-104 contra os Milwaukee Bucks.[11]
Notas editar
- ↑ John R. Wooden Award Announces Men's Preseason Top 50 List
- ↑ [1]
- ↑ Big 12 Conference. "2012 Phillips 66 All-Big 12 Men's Basketball Awards Announced" (PDF). Big 12 Conference. Arquivado dende o orixinal (PDF) o 28 de setembro de 2013. Consultado o 4 de marzo de 2011.
- ↑ Associated Press. "Kansas' Robinson is AP Big 12 player of year". Sports Illustrated. Consultado o 5 de marzo de 2012.
- ↑ "Kansas Jayhawks' Thomas Robinson to forgo senior year, enter NBA Draft". espn.go.com. Consultado o 29 de xuño de 2012.
- ↑ "Kings Complete Multiplayer Trade". NBA.com. 20 de febreiro de 2013. Consultado o 21 de febreiro de 2013.
- ↑ "Trail Blazers acquire Thomas Robinson from Houston". NBA.com. 10 de xullo de 2013. Arquivado dende o orixinal o 16 de xullo de 2013. Consultado o 30 de xullo de 2013.
- ↑ Nuggets Acquire Barton, Claver, Robinson and Protected First Round Pick From Portland
- ↑ "Nuggets Waive Claver and Robinson". NBA.com. 22 de febreiro de 2015. Consultado o 22 de febreiro de 2015.
- ↑ Sixers Claim Thomas Robinson
- ↑ "Carter-Williams impresses in debut, Bucks rout 76ers 104-88". Arquivado dende o orixinal o 01 de marzo de 2015. Consultado o 07 de marzo de 2015.
Véxase tamén editar
Ligazóns externas editar
- Perfil en NBA.com (en inglés)
- Estatísticas en Basketball-Reference.com Arquivado 04 de marzo de 2015 en Wayback Machine. (en inglés)
- Biografía nos Kansas Jayhawks (en inglés)