Abrir o menú principal

The Sword é unha banda estadounidense de heavy metal orixinaria de Austin (Texas). Formada en 2003, o grupo está formado polo vocalista e guitarrista John D. Cronise, o guitarrista Kyle Shutt, o baixista Bryan Richie e o batería Santiago «Jimmy» Vela III. Tras ser contratada pola discográfica independente Kemado Records, a banda publicou o seu álbum debut Age of Winters en 2006, composto na súa maioría por Cronise antes da súa formación. Dous anos máis tarde seguiulle Gods of the Earth, que supuxo a primeira entrada do grupo no Billboard 200.

The Sword
TheSwordSlims25Feb06.jpg
Concerto en San Francisco (California), febreiro de 2006. De esquerda a dereita: Kyle Shutt, Bryan Richie, Trivett Wingo e J. D. Cronise
OrixeAustin (Texas), Estados Unidos de América Estados Unidos
Selo(s) discográfico(s)Cortex, Impedance, Razor & Tie, P-Vin Records, Napalm Records, Kemado Records, Rough Trade Records, Toy's Factory Records
MembrosJohn D. Cronise
Kyle Shutt
Bryan Richie
Santiago Vea III "Jimmy"
Antigos membrosTrivett Wingo
Kevin Fender
Páxina webhttp://theswordofficial.com/

HistoriaEditar

Comezos e álbum de debut (2003–2007)Editar

The Sword foi fundada en 2003 polo vocalista e guitarrista J. D. Cronise coa axuda do guitarrista Kyle Shutt e da batería Trivett Wingo; o baixista Bryan Ritchie uniuse ao grupo en 2004. Nese mesmo ano, sacaron unha demo homónima, The Sword, á que seguiu un EP titulado Freya. Tras tocar no festival South by Southwest no ano 2005, foron fichados pola compañía neoiorquina Kemado Records.

The Sword realizou o seu primeiro disco, Age of Winters, en febreiro de 2006; a maior parte do disco fora escrito por J. D. Cronise antes da formación do grupo. Pra apoiar o lanzamento do disco, a banda fixo un tour mundial en 2006 e 2007, acompañando grupos como Lacuna Coil e Lamb of God. En novembro de 2007 lanzaron o seu primeiro single, "Freya", o cal pasaría formar parte da listaxe de cancións do videoxogo Guitar Hero II.[1]

Gods of the Earth e xira con Metallica (2007–2009)Editar

Tamén en novembro de 2007 lanzaron un EP especial xunto a banda sueca Witchcraft, titulado The Sword/Witchcraft Split.[2] The Sword contribuíu cunha nova canción, "Sexa of Spears", así como cunha versión da canción "Immigrant Song" dos ingleses Led Zeppelin. Gods of the Earth converteuse no segundo álbum da banda, lanzado á venda o 1 de abril de 2008. Devandito álbum, máis elaborado e cun maior nivel técnico que o anterior traballo, fixo que a banda obtivese o seu primeiro éxito internacional ao alcanzar o posto 102 na lista dos Billboard 200 en Estados Unidos.

Para promocionar o disco, a banda completou o Gods of the Earth Tour, apoiados por bandas como Machine Head, Lamb of God ou Clutch. O cuarteto tamén teloneou para os veteranos metaleros Metallica no seu 2008 European Vacation Tour do mes de xullo, e despois volveu abrir shows para eles no seu World Magnetic Tour, desde comezos de 2009 até entrado o mes de maio.[3]

Anteriormente, o 25 de novembro de 2008, saíu á venda unha caixa especial que contiña os dous discos da banda e a canción "The Black River", do disco Gods of the Earth, foi incluída no videoxogo Guitar Hero: Metallica, o cal foi lanzado á venda en Norte América o 29 de marzo de 2009.[4] Música de The Sword foi tamén incluída nas películas de 2009 Jennifer's Body ("Celestial Crown") e Horsemen ("Maiden, Mother & Crone").[5][6]

Warp Riders (2009–2012)Editar

O 19 de agosto de 2009, no seu portal oficial de MySpace, a banda publicou que se atopan traballando no seu terceiro álbum, alegando que "o proceso de composición está case terminado, e o proceso de gravación comezará en breve."[7] O blog tamén desvelou que a gravación do disco comezaría a finais de 2009, e centraríase en "unha idea conceptual sobre un relato de ciencia ficción." En novembro de devandito ano participaron no festival Fun Fun Fun Fest en Austin, onde tocaron unha canción do seu novo disco, o cal comezaría a gravarse a finais de ano.[8] Wingo engadiu que a banda "xa terminara de compolo."

O 30 de abril de 2010, a banda confirmou que o título do novo álbum sería Warp Riders, e que a súa data de lanzamento estaba fixada para o 24 de agosto de 2010.[9]

Abandono de Trivett WingoEditar

A finais de 2010 anúnciase a marcha da batería Trivett Wingo, que é substituído provisionalmente para continuar a xira do Warp Riders por Kevin Fender. Trivett dixo que sentía "física e emocionalmente incapaz de continuar como parte do grupo".

En outubro de 2011 anúnciase como novo batería a Santiago 'Jimmy' Vela III.

Cambio de selo, Apocryphon e High Country (2012–2017)Editar

En marzo de 2012, The Sword anuncia que asina polo selo Razor & Tie, cos cales empezarán a gravar o seu cuarto álbum de estudo a finais de Xuño para lanzalo á venda a finais de ano. Co seu single "Hammer of Heaven" entraron no setlist da película "The Avengers". Finalmente o novo album (Apocryphon) foi lanzado en outubro do 2012, o cal debutou no número 17 da lista Billboard, levandoos de xira durante o erstante do ano 2012 e todo o 2013.A escritura do quinto álbum comezou no 2014, sendo gravado entre marzo e abril do 2015 e saíndo ó mercado no 21 de agosto dese mesmo ano baixo o título de High CountryNo 2017 escreven o que sería o seu último álbum ata a data "Used Future", sendo lanzado no 2018.

Estilo e influenciasEditar

The Sword foron comunmente clasificados como doom metal, metal alternativo e stoner metal. Eduardo Rivadavia de allmusic describe á banda coma se estivesen "á fronte do ou fosen herdeiros do movemento 'retro' do heavy", comparándoos a bandas como Black Sabbath e ao vocalista Ozzy Osbourne. Rolling Stone tamén os compara con Black Sabbath, e AbsolutePunk.net na súa crítica de Gods of the Earth di "é imposible non comparar este álbum aos traballos de Black Sabbath".

Aínda que todos os membros da banda contribúen ás letras e ás melodías, Cronise é o compositor principal do grupo. Un recurso ao que acode con asiduidade é á mitoloxía nórdica, como se pode notar na canción "Freya"; pero hai moitos nomes propios da literatura que teñen cabida nas letras da banda, como George R. R. Martin, Robert E. Howard, H. P. Lovecraft e Arthur C. Clarke.

Á parte de Black Sabbath, a banda citou como fontes e influencias súas a grupos como Slayer, Iron Maiden ou Deep Purple. Os guitarristas do grupo citaron como guitarristas influentes na súa música a James Hetfield, Dimebag Darrell, Tony Iommi e mesmo a Billy Gibbons de ZZ Top.

MembrosEditar

ActuaisEditar

  • J. D. Cronise - voz, guitarra (2003–presente)
  • Kyle Shutt - guitarra (2003–presente)
  • Bryan Richie - baixo (2004–presente)
  • Santiago 'Jimmy' Vela III - batería (2011–presente)

AntigosEditar

  • Trivett Wingo - batería (2003–2010)
  • Kevin Fender - batería (2010–2011, provisional na xira de Warp Riders)

DiscografíaEditar

ÁlbumsEditar

  • Age of Winters (2006)
  • Gods of the Earth (2008)
  • Warp Riders (2010)
  • Apocryphon (2012)
  • High Country (2015)
  • Low Country (2016)
  • Greetings From...(Live) (2017)
  • Used Future (2018)

SinglesEditar

  • Freya (2007)
  • Fire Lances of the Ancient Hyperzephyrians (2008)
  • Tres Bruxas (2010)

NotasEditar

  1. "Guitar hero 2". Arquivado dende o orixinal o 04 de marzo de 2016. Consultado o 08 de maio de 2018. 
  2. "The Sword-Witchcraft : The Sword - Spirit of Metal Webzine (en)". Arquivado dende o orixinal o 31 de marzo de 2009. Consultado o 08 de maio de 2018. 
  3. "The Sword, la banda favorita de Lars Ulrich". Arquivado dende o orixinal o 09 de maio de 2018. Consultado o 08 de maio de 2018. 
  4. "Guitar Hero: Metallica" (en inglés). Consultado o 2018-07-02. 
  5. "Jennifer's Body > Overview". allmusic. 
  6. "Horsemen (2009) - Soundtracks". Internet Movie Database. 
  7. "Album #3". The Sword (MySpace). Arquivado dende o orixinal o 07 de febreiro de 2009. Consultado o 08 de maio de 2018. 
  8. "The Sword to perform at the Fun Fun Fun Fest". The Gauntlet. 
  9. "Copia arquivada". Arquivado dende o orixinal o 03 de maio de 2010. Consultado o 08 de maio de 2018.