Abrir o menú principal

Tabagón, O Rosal

parroquia do concello do Rosal

Coordenadas: 41°55′35.99″N 8°48′11.43″O / 41.9266639, -8.8031750

San Xoán de Tabagón
O Rosal, S. Xoán de Tabagón, igrexa parroquial.jpg
Igrexa parroquial.
ConcelloO Rosal
Poboación630 hab. (2014)
Entidades de poboación7

San Xoán de Tabagón[1] é unha parroquia do concello pontevedrés do Rosal na comarca do Baixo Miño. Ten 7 entidades de poboación: A Mina, A Paradela, A Portela, O Río, A Rúa da Cal, A Rúa de Abaixo e O Xisco. Segundo o IGE en 2014 tiña 630 habitantes (320 mulleres e 310 homes).

Está bañada polas augas do Río Miño e dista 5 quilómetros da capital do concello.

PatrimonioEditar

A igrexa parroquial é de estilo manuelino tardío, construída entre 1812 e 1825, con retablo maior neogótigo.

O Cruceiro dos Maios,[2] feito por Manuel González Perdiz en 1879, onde se representa unha alegoría do pecado orixinal, a flaxelación e a Verónica coa Santa Face. Ten un capitel dórico con follas de acanto e cabezas de anxo, o Cristo Morto e a Dolorosa.

Destaca, tamén, o peto de ánimas da Paradela.[3]

CelebraciónsEditar

Na parroquia celébranse, amais de San Xoán (24 de xuño), as festividades da Virxe da Saúde e San Brais, 2 e 3 de febreiro respectivamente.

Erguen un grande arco floral.[4]

Galería de imaxesEditar

NotasEditar

  1. Nomenclator Arquivado 10 de xullo de 2007 en Wayback Machine., Xunta de Galicia.
  2. "Concello do Rosal". Arquivado dende o orixinal o 03 de agosto de 2011. Consultado o 20 de xullo de 2011. 
  3. TurGalicia, Consellería de Cultura e Turismo.
  4. G., E. Faro de Vigo, ed. "El arco de San Juan de Tabagón se levantará inspirado en el mundo del fútbol" (en Castelán). Consultado o 6 de maio de 2018. 

Lugares e parroquiasEditar

Véxase taménEditar